കൈയിൽ തോക്കുമായി ശ്വേതാ മേനോൻ; വൈറലായി പുതിയ ചിത്രത്തിലെ ലുക്ക്

വ്യത്യസ്തമായ കഥാപാത്രങ്ങളെ വെള്ളിത്തിരയിൽ അവിസ്മരണീയമാകുന്ന നടിയാണ് ശ്വേതാ മേനോൻ. ശ്വേതാ മേനോൻ പ്രധാന കഥാപാത്രത്തെ അവതരിപ്പിക്കുന്ന ചിത്രത്തിൻറെ വിശേഷങ്ങളാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. ബദൽ എന്ന് പേരിട്ടിരിക്കുന്ന ചിത്രത്തിൽ മാവോയിസ്റ്റായാണ് ശ്വേത വേഷമിടുന്നത്. ചിത്രത്തിലെ ശ്വേതയുടെ ലുക്കാണ് സമൂഹ മാധ്യമങ്ങളിൽ വൈറലായിരിക്കുന്നത്. ശ്വേത തന്നെയാണ് ഈ ചിത്രം പങ്കുവെച്ചിരിക്കുന്നതും.

എ അജയൻ ആദ്യമായി ഒരുക്കുന്ന ചിത്രമാണ് ‘ബദൽ ദി മാനിഫെസ്റ്റോ’. അഞ്ച് വർഷങ്ങൾക്ക് മുൻപ് ഷൂട്ടിങ് ആരംഭിച്ച സിനിമ അടുത്തിടെയാണ് ചിത്രീകരണം പൂർത്തിയാക്കിയത്. അട്ടപ്പാടി, മൂന്നാർ, പാലക്കാട് തുടങ്ങിയ സ്ഥലങ്ങളിൽ ചിത്രീകരണം പൂർത്തിയാക്കിയ ചിത്രത്തിൽ ശ്വേതയെക്കൂടാതെ സലിം കുമാർ, അനൂപ് ചന്ദ്രൻ,സജിത മഠത്തിൽ, ലിയോണ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

Read also: അത്ഭുത കാഴ്ചകളും നിഗൂഢ വിശ്വാസങ്ങളുമായി പുള്ളിത്തടാകം

ചിത്രത്തിന്റെ തിരക്കഥ തയാറാക്കുന്നതും സംവിധായകൻ അജയൻ തന്നെയാണ്. ആൾട്ടർനേറ്റീവ് സിനിമാസിന്റെ ബാനറിൽ ജോസഫ് വർഗീസ് ഇലഞ്ഞിക്കൽ ആണ് ചിത്രം നിർമിക്കുന്നത്. അതേസമയം ഒരിടവേളയ്ക്ക് ശേഷം ശക്തമായ കഥാപാത്രവുമായി മലയാളത്തിലേക്ക് തിരിച്ചെത്താൻ ഒരുങ്ങുകയാണ് ശ്വേതാ മേനോൻ.

Story Highlights: shwetha menon as maoist in badal