‘ഏഴിമല പൂഞ്ചോല…’ പാട്ടിലെ രംഗങ്ങള്‍ക്ക് ഒരു കുട്ടി വേര്‍ഷന്‍; ചിത്രങ്ങള്‍ കാണാം
ഏഴിമല പൂഞ്ചോല…. കാലമെത്ര ചെന്നാലും മലയാളികള്‍ മറക്കാത്ത പാട്ട്. സ്ഫടികം എന്ന ചിത്രത്തിലെ ഈ ഗാനം കാലാന്തരങ്ങള്‍ക്ക് മുന്നേ ഏറ്റെടുത്തതാണ് പാട്ടുപ്രേമികള്‍. പാട്ടിലെ ഓരോ രംഗങ്ങള്‍ പോലും ഒളിമങ്ങാതെ തെളിഞ്ഞു കിടപ്പുണ്ട് ചലച്ചിത്ര ആസ്വാദകരുടെ മനസ്സില്‍.
ഈ പാട്ടിലെ രംഗങ്ങള്‍ ഫോട്ടോഷൂട്ടിലൂടെ പുനഃരവതിപ്പിച്ചിരിക്കുകയാണ് റിജേഷ് നിലമ്പൂര്‍ എന്ന ഫോട്ടോഗ്രാഫര്‍. സിനിമയില്‍ മോഹന്‍ലാലും സില്‍ക്ക് സ്മിതയും അനശ്വരമാക്കിയ രംഗങ്ങള്‍ക്ക് ഒരു കുട്ടി വേര്‍ഷനാണ് ഫോട്ടോഷൂട്ടിലൂടെ ഒരുക്കിയിരിക്കുന്നത്.
‘ഷമ്മിയുടെ പ്രതികാരം’; രസികന്‍ ട്രോളുമായി അജു വര്‍ഗീസ്
ആദി, അനന്യ എന്നീ കുട്ടികളാണ് ഫോട്ടോഷൂട്ടിലെ മോഡലുകള്‍. എന്തായാലും സ്ഫടികത്തിന്റെ ഈ കുട്ടി വേര്‍ഷന്‍ സമൂഹമാധ്യമങ്ങളില്‍ വൈറലായി. നിരവധിപ്പേരാണ് ചിത്രങ്ങളെ പ്രശംസിച്ചുകൊണ്ട് രംഗത്തെത്തുന്നതും.
‘1995-ല്‍ തിയേറ്ററുകളിലെത്തിയ ചിത്രമാണ് സ്ഫടികം. ഭദ്രന്‍ ആണ് സംവിധാനം നിര്‍വഹിച്ചിരിക്കുന്നത്. മോഹന്‍ലാല്‍, തിലകന്‍, രാജന്‍ പി ദേവ്, ഉര്‍വ്വശി, കെപിഎസി ലളിത, ജോര്‍ജ് തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളായെത്തിയത്.
Story highlights: Sphadikam reloaded viral photos
