പിറന്നാൾ ദിനത്തിൽ മഞ്ജുവിന് കാരിക്കേച്ചറിലൂടെ ആശംസകൾ അറിയിച്ച് വിധു വിൻസന്റ്

പിറന്നാൾ നിറവിലാണ് മലയാളിലുടെ ഇഷ്ടതാരം മഞ്ജു വാര്യർ. താരത്തിന് പിറന്നാൾ ആശംസകൾ നേർന്നുകൊണ്ട് സിനിമ ലോകത്ത് നിന്നും മറ്റുമായി നിരവധിപ്പേരാണ് ആശംസകളുമായി എത്തുന്നത്. ഇപ്പോഴിതാ വ്യത്യസ്ത രീതിയിൽ മഞ്ജു വാര്യർക്ക് പിറന്നാൾ ആശംസകൾ നേർന്നിരിക്കുകയാണ് സംവിധായിക വിധു വിൻസന്റ്. മഞ്ജുവിനായി കാരിക്കേച്ചർ ഒരുക്കിയാണ് വിധു പിറന്നാൾ മംഗളങ്ങൾ നേർന്നത്. സ്നേഹം നിറഞ്ഞ മഞ്ജുവിന്റെ ആതിഥ്യ മര്യാദയെക്കുറിച്ച് പറയുന്ന ചിത്രമാണ് വിധു കാരിക്കേച്ചറിൽ ഒരുക്കിയത്.

മഞ്ജു വാര്യരുടെ പ്രഫഷണലിസത്തെക്കുറിച്ചും അവരുടെ സഹജീവി സ്നേഹത്തെക്കുറിച്ചും ചിത്രത്തിനൊപ്പം പങ്കുവെച്ചിരിക്കുന്ന വിധു മലയാളികൾക്ക്‌ മാതൃകയാക്കാവുന്ന ഒരു നടി കൂടിയാണ് മഞ്ജുവെന്ന് പറഞ്ഞിരിക്കുകയാണ്.

അതേസമയം മഞ്ജുവിന് വ്യത്യസ്ത രീതിയിൽ പിറന്നാൾ ആശംസകൾ നേർന്നുകൊണ്ട് നിരവധിപ്പേർ എത്തിയിരുന്നു. മഞ്ജുവിന് പിറന്നാൾ ആശംസകൾ നേർന്നുകൊണ്ട് ആരാധകർ തയാറാക്കിയ മാഷപ്പ് വീഡിയോയും കഴിഞ്ഞ ദിവസം ഏറെ ശ്രദ്ധിക്കപ്പെട്ടിരുന്നു. മഞ്ജു അഭിനയിച്ച ചിത്രങ്ങളിലെ കഥാപാത്രങ്ങളെയും മഞ്ജുവിനെക്കുറിച്ച് പ്രശസ്തരായവർ പറഞ്ഞ വാക്കുകളും കൂട്ടിയോജിപ്പിച്ചാണ് വീഡിയോ ഒരുക്കിയിരിക്കുന്നത്. അരുൺ കെ ആർ, ഉണ്ണി സുരേന്ദ്രൻ എന്നിവർ ചേർന്ന് ഒരുക്കിയ വീഡിയോയ്ക്ക് മികച്ച പ്രതികരണങ്ങളാണ് ലഭിച്ചുകൊണ്ടിരിക്കുന്നത്. സഹോദരിയുടെ കുട്ടിക്കാല ചിത്രം പങ്കുവെച്ചുകൊണ്ടാണ് മധു വാര്യർ മഞ്ജുവിന് പിറന്നാൾ ആശംസകൾ നേർന്നത്.

Story Highlights: vidhu vincent special caricature for manju warrier