ആഞ്ഞടിച്ച് ചെന്നൈ സൂപ്പര്‍ കിങ്‌സ്; പത്ത് വിക്കറ്റിന് വിജയം
കിങ്‌സ് ഇലവന്‍ പഞ്ചാബിനെതിരെ തകര്‍പ്പന്‍ ജയം സ്വന്തമാക്കി ചെന്നൈ സൂപ്പര്‍ കിങ്‌സ്. തുടക്കം മുതല്‍ക്കേ മിന്നുന്ന പ്രകടനം കാഴ്ചവെച്ച ചെന്നൈ സൂപ്പര്‍ കിങ്‌സ് ആ മികവ് മത്സരത്തിലുടനീളം പുറത്തെടുത്തു. ഒരു വിക്കറ്റ് പോലും നഷ്ടമാകാതെയാണ് കിങ്‌സ് ഇലവന്‍ പഞ്ചാബിനെ പരാജയപ്പെടുത്തിയതും.
ഓപ്പണര്‍മാരായ ഫാഫ് ഡുപ്ലെസിയും ഷെയന്‍ വാട്‌സണും തകര്‍പ്പന്‍ പ്രകടനമാണ് കാഴ്ചവെച്ചത്. 14 പന്തുകള്‍ ബാക്കി നില്‍ക്കെയാണ് ഇരുവരും 179 എന്ന വിജയലക്ഷ്യം മറികടന്നത്. ഫാഫ് ഡുപ്ലെസി 53 പന്തില്‍ നിന്നായി 87 റണ്‍സും ഷെയന്‍ വാട്‌സണ്‍ 53 പന്തില്‍ നിന്നായി 83 റണ്‍സും അടിച്ചെടുത്തു.
കിങ്‌സ് ഇലവന്‍ പഞ്ചാബിനായി കെ എല്‍ രാഹുലാണ് ഭേദപ്പെട്ട പ്രകടനം കാഴ്ചവെച്ചത്. മായങ്കും രാഹുലും തമ്മിലുള്ള കൂട്ടുകെട്ടും മികവ് പുലര്‍ത്തി. 51 പന്തില്‍ നിന്നുമായി ഏഴ് ഫോറും ഒരു സിക്സുമടക്കം 63 റണ്‍സാണ് രാഹുല്‍ അടിച്ചെടുത്തത്.
Story highlights: 10 wickets win CSK
