69 ലക്ഷവും കടന്ന് രാജ്യത്തെ കൊവിഡ് ബാധിതര്‍
October 9, 2020
പ്രതിദിനം കൊവിഡ് പോസിറ്റീവ് കേസുകള്‍ വര്‍ധിച്ചുവരികയാണ് രാജ്യത്ത്. ഇതുവരെ സ്ഥിരീകരിച്ച കൊവിഡ് കേസുകളുടെ എണ്ണം 69 ലക്ഷം കടന്നു. കഴിഞ്ഞ 24 മണിക്കൂറിനിടെ 70,496 പേര്‍ക്കാണ് പുതിയതായി കൊവിഡ് രോഗം സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 69,06,152 ആയി ഉയര്‍ന്നു.
കഴിഞ്ഞ ഒരു ദിവസത്തിനിടെ 964 കൊവിഡ് മരണങ്ങളും രാജ്യത്ത് റിപ്പോര്‍ട്ട് ചെയ്യപ്പെട്ടു. ഇതോടെ കൊവിഡ് മൂലം 1,06,940 പേര്‍ക്കാണ് രാജ്യത്ത് ജീവന്‍ നഷ്ടമായത്.
8,93,592 പേര്‍ നിലവില്‍ രാജ്യത്ത് വിവിധ ഇടങ്ങളിലായി കൊവിഡ് രോഗത്തിന് ചികിത്സയില്‍ കഴിയുന്നു. യു എസ് കഴിഞ്ഞാല്‍ ഇന്ത്യയിലാണ് കൊവിഡ് പ്രതിസന്ധി അതി രൂക്ഷമായിരിക്കുന്നതും.
Story highlights: Covid 19 Latest Updates In India
