വിട്ടൊഴിയാതെ കൊവിഡ് ഭീതി; രാജ്യത്ത് രോഗബാധിതരുടെ എണ്ണം 63 ലക്ഷം കടന്നു
October 1, 2020
മാസങ്ങള്‍ ഏറെയായി കൊവിഡ് 19 എന്ന മഹാമാരിക്കെതിരായ പോരാട്ടം തുടങ്ങിയിട്ട്. എന്നാല്‍ ഇതുവരേയും പൂര്‍ണ്ണമായും നിയന്ത്രണ വിധേയമായിട്ടില്ല കൊറോണ വൈറസ്. രാജ്യത്ത് കൊവിഡ് രോഗ ബാധിതരുടെ എണ്ണം 63 ലക്ഷം പിന്നിട്ടു.
കഴിഞ്ഞ 24 മണിക്കൂറിനിടെ 86,821 പേര്‍ക്കാണ് രാജ്യത്ത് പുതിയതായി കൊവിഡ് രോഗം സ്ഥിരീകരിച്ചത്. ഇതോടെ രാജ്യത്തെ രോഗ ബാധിതരുടെ എണ്ണം 63,12,585 ആയി ഉയര്‍ന്നു. 24 മണിക്കൂറിനിടെ 1,181 മരണങ്ങളും രാജ്യത്തിന്റെ വിവിധ ഇടങ്ങളില്‍ നിന്നുമായി റിപ്പോര്‍ട്ട് ചെയ്യപ്പെട്ടു. ഇതുവരെ 98,678 പേര്‍ക്കാണ് കെവിഡ് രോഗം മൂലം ജീവന്‍ നഷ്ടമായത്.
നിലവില്‍ രാജ്യത്തെ വിവിധ ആശുപത്രികളിലായി 9,40,705 പേരാണ് കൊവിഡ് രോഗത്തിന് ചികിത്സയില്‍ കഴിയുന്നത്. 52,73,202 പേര്‍ രോഗത്തില്‍ നിന്നും മുക്തരായി.
Story highlights: India Latest Covid 19 Updates
