അടിപതറി ചെന്നൈ സൂപ്പര്‍ കിങ്‌സ്; കരുത്ത് കാട്ടി കൊല്‍ക്കത്ത നൈറ്റ് റൈഡേഴ്‌സ്- വിജയം പത്ത് റണ്‍സിന്

ഇന്ത്യന്‍ പ്രീമിയര്‍ ലീഗില്‍ ചെന്നൈ സൂപ്പര്‍ കിങ്‌സിനെതിരെ കരുത്ത് കാട്ടി കൊല്‍ക്കത്ത നൈറ്റ് റൈഡേഴ്‌സ്. പത്ത് റണ്‍സിനാണ് കൊല്‍ക്കത്ത വിജയം നേടിയത്.

ടോസ് നേടയ കൊല്‍ക്കത്ത ബാറ്റിങ് തെരഞ്ഞെടുക്കുകയായിരുന്നു. നിശ്ചിത ഓവറില്‍ ഏഴ് വിക്കറ്റ് നഷ്ടത്തിലാണ് ടീം 167 റണ്‍സ് അടിച്ചെടുത്തത്. രാഹുല്‍ ത്രിപാഠി 51 പന്തില്‍ നിന്നുമായി 81 റണ്‍സ് അടിച്ചെടുത്തു. ഇതുതന്നെയാണ് ടീമിന് കരുത്തായതും.

168 റണ്‍സ് എന്ന വിജയലക്ഷ്യവുമായി മറുപടി ബാറ്റിങ്ങിനിറങ്ങിയ ചെന്നൈയ്ക്ക് അടി പതറി. തുടക്കത്തില്‍ മികവ് പുലര്‍ത്തിയെങ്കിലും ഷെയ്ന്‍ വാട്‌സണ്‍ പുറത്തായതോടെ ടീമിന്റെ റണ്ണൊഴുക്ക് കുറഞ്ഞു. 40 പന്തില്‍ നിന്നുമായി 50 റണ്‍സാണ് ഷെയ്ന്‍ വാട്‌സണ്‍ അടിച്ചെടുത്തത്.

നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 157 റണ്‍സാണ് ചെന്നൈ നേടിയത്.

Story highlights: IPL KKR Won by 10 Runs