‘കോഴിയേ അതെന്തിനാ നീയ് ചത്തുപോയത്’; നിഷ്‌കളങ്കമായ ചോദ്യവും കുഞ്ഞിക്കരച്ചിലും സമൂഹമാധ്യമങ്ങളില്‍ വൈറല്‍
ഏറെ ജനപ്രിയമായ സമൂഹമാധ്യമങ്ങില്‍ പ്രത്യക്ഷപ്പെടുന്ന കാഴ്ചകള്‍ നിരവധിയാണ്. ലോകത്തിന്റെ പല ഭാഗങ്ങളില്‍ നിന്നുള്ള കാഴ്ചകള്‍ ഒരു വിരല്‍ത്തുമ്പിനരികെ ലഭ്യമാകുന്നതു കൊണ്ടുതന്നെ സോഷ്യല്‍മീഡിയയുടെ ഉപയോഗം അനുദിനം വര്‍ധിച്ചുകൊണ്ടിരിക്കുകയാണ്. ചില കാഴ്ചകള്‍ നമ്മെ ചിരിപ്പിക്കുന്നു, മറ്റ് ചിലത് അതിശയിപ്പിക്കുന്നു. വേറെ ചില കാഴ്ചകള്‍ ചിലപ്പോള്‍ മിഴികള്‍ നിറയ്ക്കുന്നു.
ചിലപ്പോഴൊക്കെ കുഞ്ഞുങ്ങളുടെ നിഷ്‌കളങ്കത നിറയുന്ന പല വീഡിയോകളുെ നമുക്ക് മുന്നില്‍ പ്രത്യക്ഷപ്പെടാറുണ്ട്. കള്ളമില്ലാത്ത വര്‍ത്തമാനങ്ങളും കുസൃതിക്കൊഞ്ചലുമൊക്കെ പലപ്പോഴും കാഴ്ചക്കാരുടെ മനസ്സ് നിറയ്ക്കുന്നു. അത്തരത്തിലൊരു വീഡിയോയാണ് കഴിഞ്ഞ കുറച്ചു ദിവസങ്ങളായി സമൂഹമാധ്യമങ്ങളില്‍ ശ്രദ്ധ നേടുന്നത്. വളര്‍ത്തു മൃഗത്തോടുള്ള ഒരു കുഞ്ഞുകുട്ടിയുടെ സ്‌നേഹമാണ് ഈ വീഡിയോയില്‍ പ്രതിഫലിക്കിന്നത്.
തനിക്ക് പ്രിയപ്പെട്ട കോഴി ചത്തുപോയപ്പോള്‍ സങ്കടം എണ്ണിപ്പാടി കരയുകയാണ് ആ കുഞ്ഞ് ‘കോഴിയേ അതെന്തിനാ നീയ് ചത്തുപോയത്…’ എന്നു പറഞ്ഞ് കരയുന്ന കുട്ടി കോഴിയെ തലോടുന്നതും വീഡിയോയില്‍ കാണാം. കോഴി, കണ്ണു തുറക്ക് കോഴി എന്നു പറഞ്ഞ് കോഴിയെ ഉണര്‍ത്താനും ശ്രമിക്കുന്നുണ്ട്. വളര്‍ത്തുന്ന കോഴിയോടുള്ള ഈ കുഞ്ഞിന്റെ ആത്മാര്‍ത്ഥ സ്‌നേഹം കാണുമ്പോള്‍ ആരുടേയും കണ്ണൊന്ന് നിറയും.
Story highlights: Little cute girl with hen viral video
