പുതിയ മുഖവുമായി ബാറ്റിങ്ങിനിറങ്ങി കൊൽക്കത്ത; മാറ്റങ്ങളോടെ ഇരു ടീമുകളും
മുംബൈ ഇന്ത്യൻസിനെതിരെ ടോസ് നേടിയ കൊൽക്കത്ത നൈറ്റ് റൈഡേഴ്‌സ് ബാറ്റിംഗ് തിരഞ്ഞെടുത്തു. ബാറ്റിങ്ങിൽ കൂടുതൽ ശ്രദ്ധ കേന്ദ്രീകരിക്കുന്നതിനായി ക്യാപ്റ്റൻ സ്ഥാനം ഒഴിഞ്ഞ ദിനേശ് കാർത്തിക്കിന് പകരമായി ടീമിനെ നയിക്കുന്നത് ഇംഗ്ലണ്ടിന്റെ ക്യാപ്റ്റനായ ഒയിൻ മോർഗൻ ആണ്. അതേസമയം ഇംഗ്ലണ്ടിന് ലോകകപ്പ് ആദ്യമായി നേടിക്കൊടുത്ത ക്യാപ്റ്റനാണ് മോര്‍ഗന്‍. അതിനാൽത്തന്നെ അദ്ദേഹത്തിന്റെ കീഴില്‍ ടീം മികച്ച പ്രകടനം കാഴ്ചവെയ്ക്കുമെന്നാണ് ആരാധകരുടെ പ്രതീക്ഷ.
ഏഴുമത്സരങ്ങളില്‍ നിന്നുമായി നാലു വിജയങ്ങളും മൂന്നു തോല്‍വികളുമാണ് കൊല്‍ക്കത്ത നൈറ്റ് റൈഡേഴ്‌സ് നേടിയത്. നിലവിൽ, പോയിന്റ് പട്ടികയിൽ രണ്ടാം സ്ഥാനത്താണ് മുംബൈ ഇന്ത്യൻസ്. ഇന്നത്തെ കളിയിൽ കൂടി ജയിച്ചാൽ മുംബൈ പോയിന്റ് പട്ടികയിൽ ഒന്നാമതെത്തും.
മുംബൈ: രോഹിത് ശർമ (ക്യാപ്റ്റൻ), ക്വിന്റൻ ഡി കോക്ക് (വിക്കറ്റ് കീപ്പർ), സൂര്യകുമാർ യാദവ്, ഇഷാൻ കിഷൻ, ഹാർദിക് പാണ്ഡ്യ, കിറോൺ പൊള്ളാർഡ്, ക്രുനാൽ പാണ്ഡ്യ, നേഥന്‍ കോള്‍ട്ടര്‍നൈല്‍, രാഹുൽ ചഹാർ, ട്രെന്റ് ബോൾട്ട്, ജസ്പ്രീത് ബുമ്ര
കൊൽക്കത്ത: രാഹുൽ ത്രിപാഠി, ശുഭ്മാൻ ഗിൽ, നിതീഷ് റാണ, ഒയിൻ മോർഗൻ (ക്യാപ്റ്റൻ), ദിനേഷ് കാർത്തിക്ക് (വിക്കറ്റ് കീപ്പർ), ആൻന്ദ്രെ റസൽ, ക്രിസ് ഗ്രീൻ, പാറ്റ് കമ്മിൻസ്, ശിവം മാവി, വരുൺ ചക്രവർത്തി, പ്രസിദ്ധ് കൃഷ്ണ
Story Highlights: Ipl kolkata-knight-riders-vs-mumbai-indians
