ഗായികയും നായികയുമായി റിമി ടോമി; പ്രണയാര്‍ദ്രമായി ‘സുജൂദല്ലേ…’ സംഗീത വീഡിയോ
വാക്കുകള്‍ക്കും വര്‍ണ്ണനകള്‍ക്കുമെല്ലാം അതീതമാണ് ചില പാട്ടുകള്‍. അവയങ്ങനെ ആസ്വാദക മനസ്സുകളില്‍ മനോഹരമായ ഒരു നേര്‍ത്ത മഴനൂല് പോലെ പെയിതിറങ്ങും. സംഗീതാസ്വാദകരുടെ ഹൃദയം കവരുകയാണ് ‘സുജൂദല്ലേ…’ എന്ന സംഗീത വീഡിയോ.
റിമി ടോമിയാണ് മനോഹരമായ ഈ ഗാനം ആലപിച്ചിരിക്കുന്നത്. ഗാനരംഗത്ത് അഭിനയിച്ചിരിക്കുന്നതും റിമിയാണ്. പ്രണയ പശ്ചാത്തലത്തിലാണ് ഗാനം ഒരുക്കിയിരിക്കുന്നത്. ഓരോ വരികളിലും പ്രണയത്തിന്റെ ആഴവും പരപ്പുമെല്ലാം പ്രതിഫലിക്കുന്നുണ്ട്.
പ്രതീഷ് ജേക്കബ് എന്ന നവാഗത നടനും ഗാനരംഗത്ത് റിമി ടോമിക്കൊപ്പം പ്രത്യക്ഷപ്പെടുന്നു. ദൃശ്യഭംഗിയിലും ഏറെ മികച്ചു നില്‍ക്കുന്നു ഈ സംഗീത ആല്‍ബം. ബി കെ ഹരിനാരയണന്റേതാണ് ഗാനത്തിലെ വരികള്‍. റോണി റാഫേല്‍ സംഗീതം പകര്‍ന്നിരിക്കുന്നു. ആമോഷ് പുതിയാട്ടില്‍ ആണ് ഛായാഗ്രഹണം. കണ്‍സപ്ടും ഡയറക്ഷനും ഷാരോണിന്റേതാണ്.
Story highlights: Sujoothalle Musical Video
