കൂറ്റന്‍ സ്‌കോറില്‍ കൊല്‍ക്കത്ത; രാജസ്ഥന് 192 റണ്‍സിന്റെ വിജയലക്ഷ്യം
ഐപിഎല്‍ പതിമൂന്നാം സീസണിലെ നിര്‍ണായക മത്സരത്തില്‍ കൊല്‍ക്കത്തയ്‌ക്കെതിരെ രാജസ്ഥാന്‍ റോയല്‍സിന് 192 റണ്‍സ് വിജയ ലക്ഷ്യം. നിശ്ചിത ഓവറില്‍ ഏഴ് വിക്കറ്റ് നഷ്ടത്തിലാണ് കൊല്‍ക്കത്ത നൈറ്റ് റൈഡേഴ്‌സ് 191 റണ്‍സ് അടിച്ചെടുത്തത്.
35 പന്തില്‍ നിന്നുമായി 68 റണ്‍സോടെ പുറത്താകാതെ നിന്ന ഇയോണ്‍ മോര്‍ഗന്‍ ആണ് കൊല്‍ക്കത്തയെ കൂറ്റന്‍ സ്‌കോറിലേക്ക് നയിച്ചത്. ദുബായ് രാജ്യാന്തര ക്രിക്കറ്റ് സ്റ്റേഡിയത്തിലാണ് മത്സരം. പ്ലേ ഓഫ് സാധ്യതയുടെ പടിവാതില്‍ക്കലാണ് നിലവില്‍ ഇരു ടീമുകളും. അതുകൊണ്ടുതന്നെ ഏറെ നിര്‍ണായകമാണ് ഈ അങ്കം ഇരു ടീമുകള്‍ക്കും.
13 മത്സരങ്ങളില്‍ നിന്നായി ആറു ജയവും ഏഴ് പരാജയങ്ങളുമാണ് ഇതുവരെ ഇരു ടീമുകള്‍ക്കും. 12 പോയിന്റുകള്‍ വീതമാണ് കൊല്‍ക്കത്തയ്ക്കും രാജസ്ഥാനുമുള്ളത്. ഇന്ന് പരാജയപ്പെടുന്ന ടീമിന് മുന്നില്‍ സീസണില്‍ നിന്നും പുറത്തേക്കുള്ള വഴി തുറക്കും.
Story highlights: Kolkata Knight Riders vs Rajasthan Royals IPL
