‘രാജാവും കിംഗ് ഓഫ് ദി ജംഗിളും ഒരൊറ്റ ഫ്രെയിമിൽ’; ലാലേട്ടന്റെ ചിത്രത്തിന് രസകരമായ കമന്റുകളുമായി ആരാധകർ
മലയാളികളുടെ പ്രിയ താരമാണ് മോഹൻലാൽ. സിനിമ വിശേഷങ്ങൾക്കൊപ്പം താരത്തിന്റെ മറ്റ് വിശേഷങ്ങളും സമൂഹ മാധ്യമങ്ങളിൽ വൈറലാകാറുണ്ട്. ഇപ്പോഴിതാ താരത്തിന്റെ പുതിയ ചിത്രങ്ങളാണ് ഏറെ ശ്രദ്ധിക്കപ്പെടുന്നത്. മോഹൻലാൽ തന്നെയാണ് പുതിയ ചിത്രം ഷെയർ ചെയ്തിരിക്കുന്നത്. വെള്ള ഷർട്ടും കൂളിംഗ് ഗ്ലാസും തൊപ്പിയും ധരിച്ചിരിക്കുന്ന താരത്തിന്റെ ചിത്രത്തിന് പിന്നിൽ സിംഹത്തിന്റെ ചിത്രവും കാണാം. ചിത്രം പുറത്തുവന്നതിന് പിന്നാലെ നിരവധി കമന്റുകളുമായി ആരാധകരും ചിത്രം ഏറ്റെടുത്തുകഴിഞ്ഞു.
ഇന്ത്യൻ സിനിമയിലെ രാജാവും കിംഗ് ഓഫ് ദി ജംഗിളും ഒരൊറ്റ ഫ്രെയിമിൽ എന്നാണ് പലരും ചിത്രത്തിന് താഴെ കുറിയ്ക്കുന്നത്. പുറകിലെ സിംഹത്തേക്കാൾ ഗാംഭീര്യം മുൻപിലെ സിംഹത്തിന് ആണെന്ന് പറയുന്നവരും നിരവധിയുണ്ട്. എന്തായാലും സമൂഹമാധ്യമങ്ങളിൽ അടക്കം ചിത്രം ഇതിനോടകം വൈറലായിക്കഴിഞ്ഞു.
അതേസമയം ‘നെയ്യാറ്റിൻകര ഗോപന്റെ ആറാട്ട്’ എന്ന ചിത്രമാണ് താരത്തിന്റേതായി അണിയറയിൽ ഒരുങ്ങുന്നത്. ബി ഉണ്ണികൃഷ്ണൻ സംവിധാനം ചെയ്യുന്ന ചിത്രമാണ് നെയ്യാറ്റിൻകര ഗോപന്റെ ആറാട്ട്. ശ്രദ്ധ ശ്രീനാഥാണ് നായിക. ചിത്രത്തിൽ ഐ എ എസ് ഓഫീസറുടെ വേഷത്തിലാണ് ശ്രദ്ധ ശ്രീനാഥ് എത്തുന്നത്. നെയ്യാറ്റിൻകരയിൽ നിന്നും പാലക്കാട്ടേക്ക് ഒരു ദൗത്യവുമായി യാത്ര ചെയ്യുന്ന മോഹൻലാലിൻറെ ഗോപൻ എന്ന കഥാപാത്രത്തെ ചുറ്റിപ്പറ്റിയാണ് സിനിമയുടെ പ്രമേയം.
Read also: ലളിതം സുന്ദരം; ഇതുപോലൊരു വിവാഹമാണ് ഞങ്ങൾ ആഗ്രഹിച്ചത്, ചിത്രങ്ങൾ പങ്കുവെച്ച് ലിയോണ ലിഷോയ്
മോഹൻലാൽ, ശ്രദ്ധ ശ്രീനാഥ് എന്നിവരെ കൂടാതെ നെടുമുടി വേണു, സായികുമാർ, സിദ്ദിഖ്, അശ്വിൻ കുമാർ, രചന നാരായണൻകുട്ടി, ജോണി ആന്റണി, വിജയരാഘവൻ, നന്ദു, സ്വാസിക എന്നിവരും ചിത്രത്തിൽ വേഷമിടുന്നു.വിപുലമായ ആക്ഷൻ രംഗങ്ങളുമായാണ് ബി ഉണ്ണികൃഷ്ണൻ ചിത്രം ഒരുങ്ങുന്നത്.
Story Highlights:Mohanlal Shares new picture goes viral
