24 മണിക്കൂറിനിടെ രാജ്യത്ത് കൊവിഡ് സ്ഥിരീകരിച്ചത് 20,550 പേര്‍ക്ക്
December 30, 2020
രാജ്യത്ത് കഴിഞ്ഞ ഒരു ദിവസത്തിനിടെ 20,550 പേര്‍ക്ക് കൊവിഡ് 19 സ്ഥിരീകരിച്ചു. ഇതോടെ രാജ്യത്താകെ കൊവിഡ് സ്ഥിരീകരിച്ചവരുടെ എണ്ണം 1,02,44,853 ആയി.
പ്രതിദിനം റിപ്പോര്‍ട്ട് ചെയ്യപ്പെടുന്ന കൊവിഡ് പോസിറ്റീവ് കേസുകളേക്കാള്‍ അധികമാണ് പ്രതിദിനമുള്ള രോഗമുക്തി നിരക്ക്. രാജ്യത്ത് നേരിയ ആശ്വാസം നല്‍കുന്നതാണ് ഈ കണക്കുകള്‍. കഴിഞ്ഞ ഒരു ദിവസത്തിനിടെ 26,572 പേരാണ് ഇന്ത്യയില്‍ കൊവിഡില്‍ നിന്നും മുക്തരായത്. 9,83,4141 പേരാണ് രാജ്യത്താകെ ഇതുവരെ കൊവിഡ് മുക്തി നേടിയത്.
നിലവില്‍ രാജ്യത്തെ വിവിധ ഇടങ്ങളിലായി 2,62,272 പേരാണ് കൊവിഡ് രോഗത്തിന് ചികിത്സയില്‍ കഴിയുന്നത്. കഴിഞ്ഞ 24 മണിക്കൂറിനിടെ 286 കൊവിഡ് മരണങ്ങളും റിപ്പോര്‍ട്ട് ചെയ്തു. ഇതോടെ രാജ്യത്താകെ കൊവിഡ് മൂലം മരണപ്പെട്ടവരുടെ എണ്ണം 1,48,439 ആയി.
Story highlights: 20,550 new covid cases reported in India
