24 മണിക്കൂറിനിടെ രാജ്യത്ത് സ്ഥിരീകരിച്ചത് 21,821 കൊവിഡ് കേസുകള്‍
കഴിഞ്ഞ ഒരു ദിവസത്തിനിടെ ഇന്ത്യയില്‍ സ്ഥിരീകരിച്ചത് 21,821 കൊവിഡ് പോസിറ്റീവ് കേസുകള്‍. ഇതോടെ ഇതുവരെ രാജ്യത്താകെ കൊവിഡ് 19 സ്ഥിരീകരിച്ചവരുടെ എണ്ണം 1,02,66,674 ആയി. കേന്ദ്ര ആരോഗ്യ മന്ത്രാലയത്തിന്റേതാണ് കണക്കുകള്‍.
അതേസമയം പ്രതിദിനം സ്ഥിരീകരിക്കുന്ന കൊവിഡ് പോസിറ്റീവ് കേസുകളേക്കാള്‍ അധികമാണ് ഓരോ ദിവസവും രോഗത്തില്‍ നിന്നും മുക്തരാകുന്നവരുടെ എണ്ണം. 24 മണിക്കൂറിനിടെ 26,139 പേര്‍ കൊവിഡ് മുക്തരായി. 98,60,280 പേരാണ് രാജ്യത്ത് ഇതുവരെ കൊവിഡ് രോഗത്തില്‍ നിന്നും മുക്തരായത്.
നിലവില്‍ രാജ്യത്ത് വിവിധ ഇടങ്ങളിലായി 2,57,656 പേരാണ് കൊവിഡ് രോഗത്തിന് ചികിത്സയില്‍ കഴിയുന്നത്. അതേസമയം കഴിഞ്ഞ ഒരു ദിവസത്തിനിടെ 299 കൊവിഡ് മരണങ്ങളും ഇന്ത്യയില്‍ റിപ്പോര്‍ട്ട് ചെയ്തു. ഇതോടെ രാജ്യത്താകെ മരണപ്പെട്ടവരുടെ എണ്ണം 1,48,738 ആയി.
Story highlights: 21,821 new covid cases reported in India
