ഇന്ത്യയില്‍ 24 മണിക്കൂറിനിടെ റിപ്പോര്‍ട്ട് ചെയ്തത് 24,712 പുതിയ കൊവിഡ് കേസുകള്‍
December 24, 2020
രാജ്യത്ത് കഴിഞ്ഞ ഒരു ദിവസത്തിനിടെ 24,712 കൊവിഡ് പോസിറ്റീവ് കേസുകള്‍ക്കൂടി റിപ്പോര്‍ട്ട് ചെയ്തു. ഇതോടെ രാജ്യത്താകെ ഇതുവരെ കൊവിഡ് 19 രോഗബാധ സ്ഥിരീകരിച്ചവരുടെ എണ്ണം 10,123,778 ആയി ഉയര്‍ന്നു. ആകെ രോഗബാധിതരില്‍ 2.86 ശതമാനമാണ് നിലവില്‍ സജീവ കൊവിഡ് കേസുകളായിട്ടുള്ളത്.
രാജ്യത്തിന്റെ വിവിധ ഇടങ്ങളിലായി 2,83,849 പേരാണ് നിലവില്‍ കൊവിഡ് രോഗത്തിന് ചികിത്സയില്‍ കഴിയുന്നത്. കഴിഞ്ഞ ഒരു ദിവസത്തിനിടെ 29,791 പേര്‍ കൊവിഡ് രോഗത്തില്‍ നിന്നും മുക്തരായി.
അതേസമയം 1.45 ശതമാനമാണ് രാജ്യത്തെ കൊവിഡ് മരണ നിരക്ക്. 24 മണിക്കൂറിനിടെ 312 കൊവിഡ് മരണങ്ങളും റിപ്പോര്‍ട്ട് ചെയ്തു. ഇതോടെ രാജ്യത്താകെ കൊവിഡ് മൂലം മരണപ്പെട്ടവരുടെ എണ്ണം 1,46,756 ആയി.
Story highlights: 24,712 New Covid 19 Cases Reported in India
