രാജ്യത്ത് 30,254 പേർക്ക് കൂടി കൊവിഡ് സ്ഥിരീകരിച്ചു

രാജ്യത്ത് കഴിഞ്ഞ 24 മണിക്കൂറിനിടെ കൊവിഡ്- 19 സ്ഥിരീകരിച്ചത് 30,254 പേർക്ക്. ഇതോടെ രാജ്യത്തെ ആകെ രോഗബാധിതരുടെ എണ്ണം 98,57,029 ആയി ഉയർന്നു. ഇരുപത്തിനാല് മണിക്കൂറിനിടെ 391 മരങ്ങളാണ് റിപ്പോർട്ട് ചെയ്‌തത്‌. ഇതോടെ ആകെ മരണസംഖ്യ 1,43,019 ആയി.

നിലവിൽ രാജ്യത്ത് ചികിത്സയിൽ കഴിയുന്നത് 3,56,546 പേരാണ്. 33,136 പേർ കൂടി പുതുതായി രോഗമുക്തരായിട്ടുണ്ട്. ഇന്ത്യയിൽ ഏറ്റവും കൂടുതൽ രോഗബാധിതർ ഉള്ളത് മഹാരാഷ്ട്രയിലാണ്. മഹാരാഷ്ട്രയിൽ 18,76,699 പേർക്കാണ് ഇതുവരെ കൊവിഡ് സ്ഥിരീകരിച്ചത്.

ആന്ധ്രാപ്രദേശിൽ 8,75,025, തമിഴ്‌നാട്ടിൽ 7,97,693 കൊവിഡ് കേസുകളുമാണ് ഉള്ളത്. അതേസമയം കേരളത്തിൽ ഇന്നലെ മാത്രം 5949 കൊവിഡ് കേസുകളാണ് സ്ഥിരീകരിച്ചത്. ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 6,64,632 ആയി ഉയർന്നു.

Story Highlights: 30,254 new cases reported in India