24 മണിക്കൂറിനിടെ രാജ്യത്ത് കൊവിഡ് സ്ഥിരീകരിച്ചത് 36,652 പേർക്ക്

രാജ്യത്ത് കഴിഞ്ഞ 24 മണിക്കൂറിനിടെ കൊവിഡ് സ്ഥിരീകരിച്ചത് 36,652 പേർക്ക്. ഇതോടെ രാജ്യത്തെ ആകെ കേസുകൾ 96,08,211 ആയി ഉയർന്നു. 512 പേർ കൂടി മരിച്ചതോടെ രാജ്യത്ത് ആകെ മരണപ്പെട്ടവരുടെ എണ്ണം 1,39,700 ആയി. നിലവിൽ 4,09,689 പേരാണ് രാജ്യത്ത് ചികിത്സയിൽ ഉള്ളത്. 14,58,85,512 സാംപിളുകളാണ് ഇതുവരെ പരിശോധിച്ചത്.

സംസ്ഥാനത്ത് ഇന്നലെ മാത്രം കൊവിഡ് സ്ഥിരീകരിച്ചത് 5718 പേർക്കാണ്. 4991 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 29 കൊവിഡ് മരണങ്ങളും സംസ്ഥാനത്ത് ഇന്നലെ റിപ്പോര്‍ട്ട് ചെയ്തു. ഇതോടെ സംസ്ഥാനത്ത് ആകെ കൊവിഡ് മൂലം മരണപ്പെട്ടവരുടെ എണ്ണം 2358 ആയി. രോഗം സ്ഥിരീകരിച്ച് ചികിത്സയിലായിരുന്ന 5496 പേരുടെ പരിശോധനാഫലം ഇന്നലെ നെഗറ്റീവ് ആയി. 61,401 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 5,61,874 പേര്‍ ഇതുവരെ കൊവിഡില്‍ നിന്നും മുക്തി നേടി.

Story Highlights: 36,652 covid cases reported in kerala