വായുവില്‍ പറന്ന് സഞ്ജുവിന്റെ ഫീല്‍ഡിങ് മികവ്: വൈറല്‍ വീഡിയോ
ഓസ്‌ട്രേലിയയ്‌ക്കെതിരെ ഇന്ത്യ ടി20 പരമ്പര സ്വന്തമാക്കിയതിന്റെ ആവേശത്തിലാണ് ക്രിക്കറ്റ് പ്രേമികള്‍. എന്നാല്‍ സമൂഹമാധ്യമങ്ങളില്‍ ശ്രദ്ധ നേടുകയാണ് മലയാളിയായ സഞ്ജു സാസംസണിന്റെ ഫീല്‍ഡിങ് മികവ്. വായുവില്‍ പറന്ന് പന്ത് കൈക്കുമ്പിളിലാക്കുന്ന സഞ്ജുവിന്റെ ചിത്രങ്ങളും വീഡിയോയുമെല്ലാം വൈറലാണ്. നിയന്ത്രണം നഷ്ടപ്പെട്ട താന്‍ ബൗണ്ടറിലൈന്‍ കടക്കുമെന്നു തോന്നിയ താരം പന്ത് സുരക്ഷിത സ്ഥാനത്തേക്ക് മാറ്റുന്നതും വീഡിയോയില്‍ ദൃശ്യമാകുന്നുണ്ട്.
മൂന്നാം ടി20 മത്സരത്തിലെ പതിനാലാം ഓവറിലായിരുന്നു സഞ്ജുവിന്റെ തകര്‍പ്പന്‍ ഫീല്‍ഡിങ്. ഷാര്‍ദുല്‍ താക്കൂര്‍ എറിഞ്ഞ പന്ത് സിക്‌സ് പായിക്കാനായിരുന്നു മാക്‌സ്വെല്ലിന്റെ ശ്രമം. ഈ സമയത്ത് ബൗണ്ടറിലൈന്റെ അരികിലായിരുന്ന സഞ്ജു സാംസണ്‍ ഉയരത്തില്‍ ചാടി പന്ത് കൈക്കലാക്കി. നിലതെറ്റി താഴെ വീഴുമെന്ന് ഉറപ്പായതോടെ ബൗണ്ടറിക്ക് പോലും വിട്ടുകൊടുക്കാതെ സഞ്ജു പന്ത് ഗ്രൗണ്ടിലേക്ക് എറിഞ്ഞു. രണ്ട് റണ്‍സ് ഓടിയെടുക്കാനേ ഈ സമയത്ത് ഓസ്‌ട്രേലിയന്‍ താരങ്ങള്‍ക്ക് സാധിച്ചുള്ളൂ.
Sanju again 😲❤️#AUSvIND pic.twitter.com/9FyknjLfuo
— divtweets (@div_yumm) December 8, 2020
Read more: ടി നടരാജനെ ചേര്‍ത്തുനിര്‍ത്തി ഹാര്‍ദിക് പാണ്ഡ്യ; ഹൃദ്യം ഈ വാക്കുകളും
അതേസമയം ആദ്യ രണ്ട് ടി20 മത്സരങ്ങളിലും വിജയിച്ചാണ് ഇന്ത്യ പരമ്പര സ്വന്തമാക്കിയത്. അവസാന മത്സരത്തില്‍ ഇന്ത്യയെ പരാജയപ്പെടുത്തി ഓസ്ട്രേലിയ ആശ്വാസജയവും നേടി. അതേസമയം ഇരു ടീമുകളും ടെസ്റ്റ് പരമ്പരയ്ക്കായുള്ള കാത്തിരിപ്പിലാണ്. ഡിസംബര്‍ 17 മുതല്‍ 21 വരെയാണ് ആദ്യ ടെസ്റ്റ്. രണ്ടാം ടെസ്റ്റ് ഡിസംബര്‍ 26 മുതല്‍ 30 വരേയും. ജനുവരി 7 മുതല്‍ 11 വരെ മൂന്നാം ടെസ്റ്റും ജനുവരി 15 മുതല്‍ 19 വരെ നാലാം ടെസ്റ്റും അരങ്ങേറും.
Story highlights: Sanju Samson made a sensational stop at the boundary
