ഇത്ര എനർജെറ്റിക് ആയ വധുവിനെ അടുത്ത കാലത്തൊന്നും കണ്ടിട്ടില്ല; വിവാഹവേദിയിൽ നൃത്തം ചെയ്ത് വധു, വൈറൽ വീഡിയോ
പ്രിയപെട്ടവരുടെയും സുഹൃത്തുക്കളുടെയും അകമ്പടിയോടെ വിവാഹമണ്ഡപത്തിലേക്ക് എത്തുന്ന വധു- വരന്മാരുടെ കാലമൊക്കെ കഴിഞ്ഞു. ഇപ്പോൾ വിവാഹമണ്ഡപത്തിലേക്ക് നൃത്തം ചെയ്തും പാട്ട് പാടിയുമൊക്കെയാണ് വധു വരന്മാർ എത്തുന്നത്. അത്തരത്തിലുള്ള ചിത്രങ്ങളും വീഡിയോകളും ഏറെ ശ്രദ്ധിക്കപ്പെടാറുമുണ്ട്. ഇപ്പോഴിതാ അടിപൊളി ഗാനത്തിന് തകർപ്പൻ നൃത്ത ചുവടുകളുമായി വിവാഹ വേദിയിലേക്ക് എത്തുന്ന വധുവിന്റെ ചിത്രങ്ങളാണ് സോഷ്യൽ ഇടങ്ങളിൽ ശ്രദ്ധ നേടുന്നത്.
‘ഏക് പഹേലി ലീലാ’ എന്ന ചിത്രത്തിലെ ‘മേരാ സയ്യാൻ സൂപ്പർ സ്റ്റാർ’ എന്ന ഗാനത്തിനാണ് യുവതി ചുവടുവയ്ക്കുന്നത്. സാരിയും സൺ ഗ്ലാസും വെച്ച് വളരെ അനായാസം നൃത്തം ചെയ്യുന്ന യുവതിയെ ഏറെ ആവേശത്തോടെയാണ് വിവാഹവേദിയിലെത്തിയ വരനും ബന്ധുക്കളും സ്വീകരിക്കുന്നതും. വരന്റെ കൈയിൽ ചുംബിച്ചുകൊണ്ടാണ് വധു നൃത്തം അവസാനിപ്പിക്കുന്നത്.
Read also:ദാമു അണ്ണന്‍ മാസ്സ് ആണെന്ന് പൃഥ്വിരാജും: വൈറലായി ചിത്രം
മഹാരാഷ്ട്രയിൽ നിന്നുള്ള യുവതിയുടെ വിവാഹ വീഡിയോ വൈറലായതോടെ സോഷ്യൽ മീഡിയയിൽ മികച്ച പിന്തുണയാണ് ഈ വധുവിന് ലഭിച്ചുകൊണ്ടിരിക്കുന്നത്. ജീവിതത്തിലെ ഏറ്റവും സന്തോഷം നിറഞ്ഞ നിമിഷങ്ങളെ ഇതുപോലെ ഏറ്റവും ആനന്ദത്തോടെ വേണം വരവേൽക്കാൻ എന്നാണ് മിക്കവരും അഭിപ്രായപ്പെടുന്നത്. ഇത്രയും ആവേശത്തോടെ നൃത്തം ചെയ്യുന്ന വധുവിനെ അടുത്തെങ്ങും കണ്ടിട്ടില്ല എന്ന് പറയുന്നവരും നിരവധിയാണ്.
Story Highlights :bride dance video goes viral
