ചോക്ലേറ്റില്‍ തീര്‍ത്ത കൊമ്പന്‍ ആനക്കുട്ടി: വീഡിയോ
ആനപ്രേമികള്‍ ധാരാമുള്ളതുകൊണ്ടുതന്നെ ആനക്കഥകള്‍ക്കും പഞ്ഞമില്ല. പ്രത്യേകിച്ച് സൈബര്‍ ഇടങ്ങളില്‍. നിരവധിയാണ് സമൂഹമാധ്യമങ്ങളില്‍ പ്രത്യക്ഷപ്പെടുന്ന ആനക്കാഴ്ചകള്‍. കഴിഞ്ഞ കുറച്ചു ദിവസങ്ങളായി ശ്രദ്ധ നേടുന്നതും ഒരു ആനക്കാഴ്ചയാണ്. വെറുമൊരു ആനക്കാഴ്ചയല്ല ഇത്, കിടിലനൊരു ചോക്ലേറ്റ് ആനക്കാഴ്ചയാണ്.
പറഞ്ഞുവരുന്നത് ചോക്ലേറ്റുകൊണ്ട് തയാറാക്കിയ ആനക്കുട്ടിയുടെ ശില്‍പത്തെക്കുറിച്ചാണ്. അമൗറി ഗുയിചോന്‍ എന്ന ഷെഫാണ് വ്യത്യസ്തമായ ഈ നിര്‍മിതിക്ക് പിന്നില്‍. എന്തായാലും ചോക്ലേറ്റ് ആനക്കുട്ടി തയാറാക്കുന്ന വീഡിയോയും സമൂഹമാധ്യമങ്ങളില്‍ വൈറലാണ്. രണ്ട് കാലില്‍ നില്‍ക്കുന്ന രൂപത്തിലാണ് ഈ ചോക്ലേറ്റ് ആനക്കുട്ടി ശില്‍പം.
Read more: ബസ് വീടാക്കിയ യാത്രാപ്രിയരായ ദമ്പതികള്‍: വീഡിയോ
ഏകദേശം 90 കിലോയോളം ചോക്ലേറ്റാണ് ആനക്കുട്ടിയെ ഉണ്ടാക്കാനായി ഉപയോഗിച്ചത്. ആനയുടെ കൊമ്പും നഖവുമൊക്കെ ശില്‍പത്തിലുണ്ട്. എല്ലാം ചോക്ലേറ്റുകൊണ്ടുതന്നെയാണ് തയാറാക്കിയിരിക്കുന്നത്. ഓരോരോ ഭാഗങ്ങള്‍ ഉണ്ടാക്കിയ ശേഷം അവയെല്ലാം കൂട്ടിച്ചേര്‍ത്താണ് ആനക്കുട്ടിയെ തയാറാക്കിയത്.
Story highlights: Chocolate made Elephant
