ഷാരൂഖ് ഖാന്‍ അല്ല; ഇത് ഡേവിഡ് വാര്‍ണറിന്റെ ഡോണ്‍ 2: ചിരിപടര്‍ത്തി ക്രിക്കറ്റ്താരത്തിന്റെ വീഡിയോ
ഓസ്‌ട്രേലിയന്‍ ക്രിക്കറ്റ്താരമായ ഡേവിഡ് വാര്‍ണര്‍ കായികലോകത്ത് എന്നും ആവേശം നിറയ്ക്കുന്ന താരമാണ്. കളിക്കളത്തില്‍ മാത്രമല്ല സമൂഹമാധ്യമങ്ങളിലും സജീവമാണ് ഡേവിഡ് വാര്‍ണര്‍. രസകരമായ ടിക് ടോക്ക് വീഡിയോകളും ഡാന്‍സ് വീഡിയോകളുമൊക്കെ പലപ്പോഴും താരം പങ്കുവയ്ക്കാറുണ്ട്. ശ്രദ്ധ നേടുന്നതും ഡേവിഡ് വാര്‍ണര്‍ പങ്കുവെച്ച ഒരു രസികന്‍ വീഡിയോയാണ്.
ഡോണ്‍ 2 എന്ന ആക്ഷന്‍ ചിത്രത്തിന്റെ ചെറിയൊരു ഭാഗമാണ് താരം പങ്കുവെച്ചിരിക്കുന്നത്. എന്നാല്‍ ഈ വീഡിയോയ്ക്ക് ഒരു പ്രത്യേകതയുണ്ട്. ഷാരൂഖ് ഖാന്‍ തര്‍ത്തഭിനയിച്ച രംഗത്ത് ഡേവിഡ് വാര്‍ണറാണ് പ്രത്യക്ഷപ്പെട്ടിരിക്കുന്നത്. ഷാരൂഖ് ഖാന്റെ മുഖത്തിന്റെ ഭാഗത്ത് ഡേവിഡ് വാര്‍ണറുടെ മുഖം എഡിറ്റിങ്ങിലൂടെ ചേര്‍ത്തിരിക്കുകയാണ് വീഡിയോയില്‍.
Read more: ശ്രദ്ധ നേടി മൃദുലയുടേയും യുവകൃഷ്ണയുടേയും വിവാഹനിശ്ചയ വീഡിയോ
എന്തായാലും തകര്‍പ്പന്‍ ആക്ഷന്‍ രംഗങ്ങളിലൂടെ ചിരി നിറയ്ക്കുകയാണ് ഡേവിഡ് വാര്‍ണര്‍. അതേസമയം 2011-ല്‍ പ്രേക്ഷകരിലേക്കെത്തിയ ഹിന്ദി ചലച്ചിത്രമാണ് ഡോണ്‍ 2. ഫര്‍ഹാന്‍ അക്തര്‍ ആണ് ചിത്രത്തിന്റെ സംവിധാനം നിര്‍വഹിച്ചത്. ഡോണ്‍: ദ് ചെയ്‌സ് ബിഗിന്‍സ് എഗെയിന്‍ എന്ന ചിത്രത്തിന്റെ തുടര്‍ച്ചയാണ് ഡോണ്‍ 2.
Story highlights: David Warner as Shah Rukh Khan from Don 2
