പാഴ്‌സലുമായി വീട്ടിലെത്തിയവരെ വിരുന്നൂട്ടിയ സ്‌നേഹമനസ്സ്: വീഡിയോ
ഏറെ ജനപ്രിയമാണ് സോഷ്യല്‍മീഡിയ. പ്രായഭേദമന്യേ സമൂഹമാധ്യമങ്ങള്‍ ഉപയോഗിക്കുന്നവരും ഏറെയാണ്. ലോകത്തിന്റെ പല ഇടങ്ങളില്‍ നിന്നുമുള്ള കാഴ്ചകള്‍ ഇക്കാലത്ത് ഒരു വിരല്‍ത്തുമ്പിന് അരികില്‍ നമുക്ക് ലഭ്യമാകുന്നു. ഇതുതന്നെയാണ് സമൂഹമാധ്യമങ്ങളുടെ ജനസ്വീകാര്യത വര്‍ധിപ്പിച്ചതും.
ഹൃദയസ്പര്‍ശിയായ ഒരു വീഡിയോയും ചില ചിത്രങ്ങളുമാണ് കഴിഞ്ഞ കുറച്ചു ദിവസങ്ങളായി സമൂഹമാധ്യമങ്ങളില്‍ നിറയുന്നത്. വീട്ടിലേക്ക് ഭക്ഷണവും മറ്റ് പാഴ്‌സലുകളുമൊക്കെ കൊണ്ടുവരുന്ന ഡെലിവറി ബോയ്‌സിന് സ്‌നേഹത്തോടെ ലഘുഭക്ഷണം നല്‍കുന്ന ഒരു വീട്ടമ്മയുടേതാണ് ഈ വീഡിയോയും ചിത്രങ്ങളും.
Read more: ഇതാണ് ലോകത്തിലെ ഏറ്റവും ചെറിയ സ്ത്രീ; പിറന്നാൾ നിറവിൽ ജ്യോതി
നഷാന്ദ്ര ജെയിംസ് എന്നാണ് ഈ വീട്ടമ്മയുടെ പേര്. ഇവരുടെ വീടിനു മുന്നില്‍ സ്ഥാപിച്ച ക്യാമറയില്‍ പതിഞ്ഞ ദൃശ്യങ്ങളാണ് വൈറലാകുന്നത്. വീട്ടിലേയ്ക്ക് പാഴ്‌സലുകളുമായെത്തുന്ന ഡെലിവറി ബോയ്‌സിനുവേണ്ടി ഒരുപാട് സ്‌നാക്‌സുകളും ഇവര്‍ തയാറാക്കി വെച്ചിട്ടുണ്ട്. പാഴ്‌സലുമായെത്തിയ ഒരു സ്ത്രീ ഇതുകണ്ട് സന്തോഷിക്കുന്നതും ബൗളില്‍ നിന്നും നിറചിരിയോടെ ഒരു പായ്ക്കറ്റ് സ്‌നാക്ക് എടുക്കുന്നതുമെല്ലാം വീഡിയോയില്‍ കാണാം.
നഷാന്ദ്രയുടെ ഭര്‍ത്താവായ ജെയിംസ് ആണ് ഈ വീഡിയോയും ചിത്രങ്ങളുമെല്ലാം സമൂഹമാധ്യമങ്ങളില്‍ പങ്കുവെച്ചത്. ‘ക്രിസ്മസിനോട് അനുബന്ധിച്ച് അവള്‍ ധാരാളം സാധനങ്ങള്‍ ഓര്‍ഡര്‍ ചെയ്തിരുന്നു. പാഴ്‌സലുകളുമായി എത്തിയ എല്ലാവര്‍ക്കും ഇത്തരത്തില്‍ ലഘുഭക്ഷണവും ഒരുക്കി’ എന്നാണ് ജെയിംസ് ചിത്രങ്ങള്‍ക്കൊപ്പം കുറിച്ചത്. എന്തായാലും സ്‌നേഹത്തിന്റെ ഈ മാതൃക സൈബര്‍ ഇടങ്ങളില്‍ വൈറലാണ്.
Story highlights: Delivery person finds treats on doorsteps viral in Social Media
