‘സഞ്ജുവേട്ടാ’; സ്‌നേഹപൂര്‍വ്വം ഗാലറിയില്‍ നിന്നും ഒരു വിശേഷം തിരക്കല്‍; വീഡിയോ
ഇന്ത്യ- ഓസ്‌ട്രേലിയ പര്യടത്തിനു വേണ്ടിയുള്ള ടീമില്‍ ഇടം നേടിയെങ്കിലും ഏകദിനത്തില്‍ കളത്തിലിറങ്ങാന്‍ സാധിച്ചില്ല സഞ്ജു വി സാംസണിന്. എന്നാല്‍ സമൂഹമാധ്യമങ്ങളില്‍ ശ്രദ്ധ നേടുന്നത് ഗാലറിയില്‍ നിന്നും സഞ്ജുവിനോട് ഉയര്‍ന്ന ഒരു ചോദ്യമാണ്. ‘സഞ്ജുവേട്ടാ അടുത്ത കളിക്ക് ഉണ്ടാകുമോ…’
ഓസ്‌ട്രേലിയയിലെ കാന്‍ബറയില്‍ വെച്ചു നടന്ന ഇന്ത്യ- ഓസ്‌ട്രേലിയ മൂന്നാം ഏകദിനത്തിനിടെയായിരുന്നു സംഭവം. മത്സരത്തിനിടെ സഞ്ജു ഗ്രൗണ്ടിലെത്തിയപ്പോഴായിരുന്നു ചോദ്യം. മലയാളത്തിലുള്ള ചോദ്യം കേട്ട് സഞ്ജു തിരിഞ്ഞു നോക്കുന്നതും വീഡിയോയില്‍ കാണാം. എന്നാല്‍ ഒരു ചെറുചിരിയില്‍ താരം മറുപടിയൊതുക്കി.
Fans asking Sanju Samson whether he play next match? Probably the unluckiest player in the squad, feels sad for him.#SanjuSamson #AUSvsIND #AUSvIND #T20I #TNatarajan pic.twitter.com/nE07vVNXbq
— Sajeer (@sjrahd) December 2, 2020
അതേസമയം ഇന്ത്യ- ഓസ്‌ട്രേലിയ ടി20 പരമ്പരയ്ക്ക് ഇന്ന് തുടക്കം ആകും. ഇന്ത്യന്‍ സമയം ഉച്ചകഴിഞ്ഞ് 1.40-നാണ് മത്സരം. അതേസമയം ഏകദിന പരമ്പരയും ടി20 പരമ്പരയും ടെസ്റ്റ് പരമ്പരയും അടങ്ങുന്നതാണ് ഇന്ത്യ- ഓസിസ് പര്യടനം. ഏകദിന പരമ്പര ഓസ്‌ട്രേലിയയാണ് സ്വന്തമാക്കിയത്. ആദ്യ രണ്ട് മത്സരങ്ങളിലും ഓസിസ് വിജയം നേടി. മൂന്നാം അങ്കത്തില്‍ ഇന്ത്യ ആശ്വാസ ജയം മാത്രമാണ് നേടിയത്.
ഇനി മൂന്ന് ടി20 മത്സരങ്ങളും നാല് ടെസ്റ്റ് മത്സരങ്ങളുമാണ് ഇന്ത്യ- ഓസിസ് പര്യടനത്തില്‍ ഉള്‍പ്പെട്ടിരിക്കുന്നത്. . രണ്ടാം ടി20 ഡിസംബര്‍ ആറിനും മൂന്നാം ടി20 ഡിസംബര്‍ എട്ടിനും നടക്കും. ഡിസംബര്‍ 17 മുതല്‍ 21 വരെയാണ് ആദ്യ ടെസ്റ്റ് പരമ്പര. രണ്ടാം ടെസ്റ്റ് ഡിസംബര്‍ 26 മുതല്‍ 30 വരേയും. ജനുവരി 7 മുതല്‍ 11 വരെ മൂന്നാം ടെസ്റ്റും ജനുവരി 15 മുതല്‍ 19 വരെ നാലാം ടെസ്റ്റും അരങ്ങേറും.
Story highlights: Fans cheer for Sanju Samson
