യുകെയില്‍ നിന്നും ഇന്ത്യയിലേയ്ക്കും തിരിച്ചുമുള്ള വിമാന സര്‍വ്വീസുകള്‍ക്ക് വിലക്ക്
കൊറോണ വൈറസിന്റെ വകഭേദം യുകെയില്‍ പടര്‍ന്നുപിടിക്കുന്ന സാഹചര്യത്തില്‍ രാജ്യങ്ങളില്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്തുന്നു. ഇതിന്റെ അടിസ്ഥാനത്തില്‍ യുകെയില്‍ നിന്നും ഇന്ത്യയിലേയ്ക്കും തിരിച്ചുമുള്ള വിമാന സര്‍വ്വീസുകള്‍ നിര്‍ത്തിവയ്ക്കാന്‍ കേന്ദ്രസര്‍ക്കാര്‍ തീരുമാനിച്ചു.
നിലവിലെ സാഹചര്യങ്ങള്‍ കണക്കിലെടുത്ത് ഡിസംബര്‍ 31 വരെയാണ് വിമാന സര്‍വ്വീസുകള്‍ക്ക് വിലക്ക് ഏര്‍പ്പെടുത്തിയിരിക്കുന്നത്. അതേസമയം സൗദിയിലും യാത്രാവിലക്ക് ഏര്‍പ്പെടുത്തിയിട്ടുണ്ട്. രാജ്യത്തെ കര- നാവിക- വ്യോമാതിര്‍ത്തികള്‍ അടച്ചിട്ടിരിക്കുകയാണ് സൗദി അറേബ്യയില്‍.
Read more: ഓരോ പ്രായത്തിലും ഹൃദയത്തിനു നല്‍കാം അല്‍പം സ്‌പെഷ്യല്‍ കെയര്‍
അതേസമയം യുകെയില്‍ കൊറോണ വൈറസിന്റെ പുതിയ വകഭേദം സ്ഥിരീകരിച്ചതായി ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ അറിയിച്ചിരുന്നു. ആദ്യ കൊറോണ വൈറസിനേക്കാള്‍ എഴുപത് ശതമാനത്തിലധികം വേഗത്തില്‍ പടര്‍ന്നുപിടിക്കുന്നതാണ് പുതിയ വകഭേദം.
Story highlights: India Halts UK Flights
