ഇതാണ് ലോകത്തിലെ ഏറ്റവും ചെറിയ സ്ത്രീ; പിറന്നാൾ നിറവിൽ ജ്യോതി
ലോകത്തിലെ ഏറ്റവും ചെറിയ സ്ത്രീ എന്ന ഗിന്നസ് നേട്ടത്തിന് ഉടമയാണ് ജ്യോതി കിഷൻജി ആംഗേ. 61.95 സെന്റീമീറ്ററാണ് ജ്യോതി കിഷൻജിയുടെ ഉയരം. രണ്ടടി ഉയരവും അഞ്ചര കിലോഗ്രാം ഭാരവുമുള്ള ജ്യോതി 2009 മുതലാണ് ലോകത്തിലെ ഏറ്റവും ചെറിയ സ്ത്രീ ആയി അറിയപ്പെടാൻ തുടങ്ങിയത്.
ജനിച്ചതിന് ശേഷം നാല് കിലോഗ്രാം മാത്രമാണ് ജ്യോതിയുടെ ഭാരം വർധിച്ചത്. ഫുജി ടിവിയിൽ വന്ന റിയാലിറ്റി ഷോയിലൂടെയാണ് ജ്യോതി ലോകപ്രശസ്തയായത്. പതിനെട്ടാം വയസിൽ ഗിന്നസ് ലോക റെക്കോർഡ് നേടിയ താരത്തിന്റെ 27 ആം പിറന്നാൾ ആഘോഷത്തിന്റെ ചിത്രങ്ങളാണ് സമൂഹമാധ്യമങ്ങളിൽ ശ്രദ്ധനേടുന്നത്.
അതേസമയം ജ്യോതിയുടെ കുടുംബത്തിൽ എല്ലാവരും സാധാരണ ആളുകളെപ്പോലെ ഉയരമുള്ളവരാണ്. സാധാരണ കുട്ടിയെപ്പോലെ ജനിച്ച ജ്യോതിയ്ക്ക് അഞ്ച് വയസുവരെ യാതൊരു പ്രശ്നവും ഉണ്ടായിരുന്നില്ല. അക്കൻഡ്രോപ്ലാസിയ എന്ന രോഗാവസ്ഥയാണ് ജ്യോതിയുടെ വളർച്ചക്കുറവിന് കാരണം. സാധരണ എല്ലുകളെ ബാധിക്കുന്ന രോഗാവസ്ഥയാണ് അക്കൻഡ്രോപ്ലാസിയ.
Story Highlights; jyoti kisanji amge worlds shortest woman turns 27
