‘പക്വതയുള്ള കണ്ണുകള്‍’; കുട്ടിക്കാലചിത്രവുമായി ചലച്ചിത്രതാരം
സിനിമാ വിശേഷങ്ങള്‍ക്കൊപ്പംതന്നെ പലപ്പോഴും ചലച്ചിത്രതാരങ്ങള്‍ സമൂഹമാധ്യമങ്ങളില്‍ പങ്കുവയ്ക്കുന്ന ചിത്രങ്ങളും ശ്രദ്ധ നേടാറുണ്ട്. പ്രത്യേകിച്ച് താരങ്ങളുടെ കുട്ടിക്കാല ചിത്രങ്ങള്‍. ശ്രദ്ധ നേടുകയാണ് കങ്കണ റണൗത്തിന്റെ കുട്ടിക്കാല ചിത്രം. ‘ഒരു കുട്ടിയെന്ന നിലയില്‍ മറ്റു കുട്ടികളോടൊപ്പം വിനോദങ്ങളില്‍ ഏര്‍പ്പെട്ടതിന്റെ ഓര്‍മ്മകളൊന്നും എനിക്കില്ല. എന്റെ പവകള്‍ക്ക് മനോഹരമായ ഉടുപ്പുകള്‍ തുന്നിയെടുക്കാനാണ് അക്കാലത്ത് ഞാന്‍ ആഗ്രഹിച്ചത്. മണിക്കൂറുകളോളം ഓരോ കാര്യങ്ങള്‍ ആലോചിച്ചിരിക്കാനും ഞാനിഷ്ടപ്പെട്ടു. ആഴത്തില്‍ ചിന്തിക്കുന്ന പക്വതയുള്ള കണ്ണുകള്‍. ചിലര്‍ ജനിക്കുന്നതുതന്നെ പ്രായമായിട്ടാണ്. ഞാനും അത്തരത്തിലൊരാളാണ്.’ എന്ന കുറുപ്പിനൊപ്പമാണ് കങ്കണ ബാല്യകാല ചിത്രം പങ്കുവെച്ചിരിക്കുന്നത്.
അതേസമയം മുന്‍ തമിഴ്‌നാട് മുഖ്യമന്ത്രി ജയലളിതയുടെ ജീവിതകഥ പറയുന്ന ‘തലൈവി’. എന്ന ചിത്രത്തില്‍ ടൈറ്റില്‍ കഥാപാത്രമായെത്തുന്നത് കങ്കണയാണ്. ജയലളിതയായുള്ള കങ്കണയുടെ മേക്കോവര്‍ ചിത്രങ്ങളും സമൂഹമാധ്യമങ്ങളില്‍ ശ്രദ്ധ നേടിയിരുന്നു. ചിത്രത്തിനു വേണ്ടി 20 കിലോ ശരീര ഭാരവും വര്‍ധിപ്പിച്ചു കങ്കണ.
ദാമു അണ്ണന്‍ മാസ്സ് ആണെന്ന് പൃഥ്വിരാജും: വൈറലായി ചിത്രം
തമിഴിലും ഹിന്ദിയിലും ചിത്രം പ്രേക്ഷകരിലേക്കെത്തും. വിബ്രി കര്‍മ്മ മീഡിയ എന്നിവയുടെ ബാനറില്‍ വിഷ്ണു വരര്‍ധനും ശൈലേഷ് ആര്‍ സിംഗും ചേര്‍ന്നാണ് ചിത്രത്തിന്റെ നിര്‍മ്മാണം. ജി.വി പ്രകാശ് കുമാറാണ് ചിത്രത്തിന്റെ സംഗീത സംവിധായകന്‍. നീരവ് ഷായാണ് ഛായാഗ്രഹണം നിര്‍വ്വഹിക്കുന്നത്.
Story highlights: Kangana Ranaut Childhood Image
