കണ്ണൻ താമരക്കുളത്തിന്റെ വിവാഹനിശ്‌ചയത്തിൽ തിളങ്ങി സിനിമാ താരങ്ങൾ, വീഡിയോ
കഴിഞ്ഞ ദിവസമാണ് സംവിധായകൻ കണ്ണൻ താമരക്കുളം വിവാഹിതനായത്. സിനിമാ രംഗത്തെ നിരവധി പ്രമുഖർ പങ്കെടുത്ത വിവാഹ റിസപ്‌ഷൻറെ വീഡിയോ പുറത്തിറങ്ങി. സെന്തിൽ, നൂറിൻ, ഗണേഷ് കുമാർ, നീന കുറുപ്പ് തുടങ്ങിയ താരങ്ങൾ വിവാഹ റിസപ്‌ഷനിൽ പങ്കെടുത്തു. പത്തനംതിട്ട തിരുവല്ല സ്വദേശി വിഷ്ണുപ്രഭയാണ് വധു. ചെട്ടിക്കുളങ്ങര ക്ഷേത്രത്തിന് സമീപമുള്ള അനുഗ്രഹ ഓഡിറ്റോറിയത്തില്‍വെച്ചായിരുന്നു വിവാഹം. കൊവിഡ് പ്രോട്ടോകോൾ പാലിച്ചുകൊണ്ടായിരുന്നു വിവാഹം നടന്നത്.
2015ല്‍ പ്രദര്‍ശനത്തിനെത്തിയ തിങ്കള്‍ മുതല്‍ വെള്ളിവരെ എന്ന ചിത്രമാണ് കണ്ണൻ താമരക്കുളം ആദ്യമായി സംവിധാനം നിര്‍വ്വഹിച്ച ചിത്രം. ജയറാം, റിമി ടോമി എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. ദിനേഷ് പള്ളത്തായിരുന്നു ചിത്രത്തിന്റെ തിരക്കഥാകൃത്ത്. റിലീസിനൊരുങ്ങുന്ന മരട് 357 ആണ് കണ്ണൻ താമരക്കുളത്തിന്റേതായി അണിയറയിൽ ഒരുങ്ങുന്ന ചിത്രം.
Read also:ഇഷ്ടനഗരത്തെ സുന്ദരമാക്കണം; ആര്യയെത്തേടിയെത്തിയ മോഹൻലാലിന്റെ ഫോൺ കോൾ
2016ല്‍ ആടുപുലിയാട്ടം എന്ന ചിത്രവും സംവിധാനം ചെയ്തു. അറുന്നൂറ് വര്‍ഷങ്ങള്‍ക്കു മുന്‍പ് നടന്നതെന്ന് വിശ്വസിക്കപെടുന്ന മിത്തിനെ പശ്ചാത്തലമാക്കി ഒരുക്കിയ ചിത്രത്തില്‍ ജയറാം ആയിരുന്നു പ്രധാന കഥാപാത്രത്തെ അവതരിപ്പിച്ചത്. 2017ല്‍ ജയറാം, ഉണ്ണിമുകുന്ദന്‍, ആദില്‍ ഇമ്പ്രാഹിം, സഞ്ജു ശിവറാം, പ്രകാശ് രാജ് എന്നിവരെ പ്രധാന അഭിനേതാക്കളാക്കി അച്ചായന്‍സ് എന്ന ചിത്രം സംവിധാനം ചെയ്തിരുന്നു.2018ല്‍ ഉണ്ണിമുകുന്ദന്‍, അനൂപ് മേനോന്‍ എന്നിവരെ കേന്ദ്രകഥാപാത്രങ്ങളാക്കി ചാണക്യതന്ത്രം എന്ന ചിത്രം സംവിധാനം ചെയ്തു. തമിഴില്‍ സുരയാടല്‍ എന്ന തമിഴ് ചിത്രവും സംവിധാനം ചെയ്തിട്ടുണ്ട്. ഏറ്റവുമൊടുവിൽ ജയറാമിനെ നായകനാക്കി സംവിധാനം ചെയ്ത പട്ടാഭിരാമനാണ് തിയേറ്ററിലെത്തിയത്.
Story Highlights: kannan thamarakkulam wedding reception video
