നിഗൂഢതകൾ വർധിപ്പിച്ച് റൊമാനിയയിൽ പ്രത്യക്ഷപ്പെട്ട ലോഹസ്തംഭവും അപ്രത്യക്ഷമായി
കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ വലിയ രീതിയിൽ ഉള്ള ചർച്ചകൾക്ക് വഴിതെളിച്ച ഒന്നാണ് നിഗൂഢമായ ലോഹസ്‌തംഭങ്ങളെക്കുറിച്ചുള്ള വാർത്തകൾ..അമേരിക്കയിലെ യൂടായിൽ പ്രത്യക്ഷമായ നിഗൂഢ ലോഹസ്‌തംഭം അപ്രത്യക്ഷമായതിന് പിന്നാലെയാണ് റൊമാനിയയിൽ പ്രത്യക്ഷമായ ലോഹസ്തംഭവും അപ്രത്യക്ഷമായത്. പ്രത്യക്ഷപ്പെട്ട് നാല് ദിവസങ്ങൾക്ക് ശേഷമാണ് റൊമാനിയയിലെ ലോഹത്തൂണും അപ്രത്യക്ഷമായത്.
നിലവിൽ ലോഹസ്‌തംഭം ഇരുന്ന സ്ഥലത്ത് ഒരു കുഴി മാത്രമാണ് ഉള്ളത്. അതേസമയം സ്തംഭം എവിടെ നിന്ന് വന്നെന്ന കാര്യത്തെക്കുറിച്ചുള്ള അന്വേഷണങ്ങൾ നടന്നുകൊണ്ടിരിക്കുന്നതിനിടെയാണ് ലോഹത്തൂൺ കാണാതായത്. ഏറെ നിഗൂഢതകൾ ഒളിപ്പിച്ച ഈ ലോഹസ്തംഭത്തെക്കുറിച്ചുള്ള അന്വേഷണങ്ങൾ നടന്നുകൊണ്ടിരിക്കുകയാണെന്ന് ശാസ്ത്രലോകവും അറിയിച്ചിട്ടുണ്ട്. എന്നാൽ ലോഹസ്തംഭങ്ങൾ സ്ഥാപിച്ചതിനെക്കുറിച്ച് നിരവധി അഭ്യൂഹങ്ങളും ഉയരുന്നുണ്ട്.
Read also: കുടുംബത്തിനൊപ്പമുള്ള സ്‌നേഹനിമിഷങ്ങള്‍ പങ്കുവെച്ച് സംവൃത സുനില്‍
റൊമാനിയയിൽ പ്രത്യക്ഷപ്പെട്ട ലോഹസ്‌തംഭത്തിന് 13 മീറ്ററോളം നീളമുണ്ട്‌. യൂടായിൽ പ്രത്യക്ഷപ്പെട്ടത് 12 മീറ്റർ നീളമുള്ള സ്തംഭമാണ്. വളരെ മിനുസമുള്ള പ്രതലത്തോട് കൂടിയ സ്തംഭത്തിൽ ചിത്രപ്പണികൾ പോലുള്ള വരകളും കണ്ടിരുന്നു. കഴിഞ്ഞ നവംബർ 18 നാണ് യൂട്ടായിൽ വിജനമായ പ്രദേശത്ത് അജ്ഞാതമായ ലോഹസ്തൂപം കണ്ടെത്തിയത്. ഇത് ഏറെ അത്ഭുതത്തോടെയാണ് സമൂഹമാധ്യമങ്ങള്‍ അടക്കം ഏറ്റെടുത്തത്. ഇതിനിടെയാണ് ഇവിടെ പ്രത്യക്ഷപ്പെട്ട ലോഹത്തൂൺ കാണാതായത്.
Story Highlights: After utah monolith in romania also disappears
