താരരാജാവിന്റെ ഗംഭീര വരവ് കാത്ത് പ്രേക്ഷകര്‍; മൈജി ഉത്സവം വിത്ത് ലാലേട്ടന്‍ ഫ്ളവേഴ്സ് ടിവിയില്‍
ലോകമെമ്പാടുമുള്ള മലയാളി പ്രേക്ഷകര്‍ക്ക് ദൃശ്യവിസ്മയമൊരുക്കുന്ന ഫ്ളവേഴ്സ് ടിവി മനോഹരമായൊരു ക്രിസ്മസ് സമ്മാനവുമായെത്തുന്നു. ‘മൈജി ഉത്സവം വിത്ത് ലാലേട്ടന്‍’ എന്ന പരിപാടിയിലൂടെ. അവതരിപ്പിക്കുന്ന കഥാപാത്രങ്ങളെ അതിന്റെ പരിപൂര്‍ണ്ണതയിലെത്തിക്കുന്ന മോഹന്‍ലാല്‍ എന്ന നടനവിസ്മയം പ്രേക്ഷകരിലേക്കെത്തുകയാണ് ഈ പരിപാടിയിലൂടെ.
മഞ്ഞിന്റെ പുതപ്പണിഞ്ഞെത്തിയ ഈ ക്രിസ്മസ് കാലത്ത് ഇതിലും മികച്ചൊരു ക്രിസ്മസ് സമ്മാനം വേറെയില്ല. ഇന്നും നാളേയും (ഡിസംബര്‍ 24, 25 തീയതികളില്‍) വൈകിട്ട് 6.30 നാണ് ഗംഭീര ദൃശ്യവിരുന്നുമായെത്തുന്ന മൈജി ഉത്സവം വിത്ത് ലാലേട്ടന്‍ ഷോ. നിരവധി സര്‍പ്രൈസുകളുടെ ഒരു ഘോഷയാത്ര കൂടിയാണ് ഈ പരിപാടി.
ഇതോടനുബന്ധിച്ച് ഫ്ളവേഴ്സ് ടിവിയൊരുക്കിയ മോഹന്‍ലാല്‍ ആന്തവും ഇതിനോടകംതന്നെ ആദ്വാദകരുടെ ഹൃദയതാളങ്ങള്‍ കീഴടക്കികഴിഞ്ഞു. മോഹന്‍ലാലിനൊപ്പം മഞ്ജു വാര്യര്‍, രമേഷ് പിഷാരടി, മുകേഷ് തുടങ്ങിയ താരനിരകളും മൈജി ഉത്സവം വിത്ത് ലാലേട്ടന്‍ ഷോയുടെ മാറ്റുകൂട്ടുന്നു. കാത്തിരിക്കാം നിറപ്പകിട്ടാര്‍ന്ന ആ ദൃശ്യവിസ്മയങ്ങള്‍ക്കായി…
Story highlights: MyG Utsavam with Lalettan in Flowers TV
