നടനഭാവങ്ങളില്‍ നിറഞ്ഞ് ഒരു സുന്ദര നൃത്തം; ശ്രദ്ധനേടി നറുമുഖയേ ഡാന്‍സ് കവര്‍
മനോഹരമായ പാട്ടുകള്‍ക്ക് ഒരുങ്ങുന്ന കവര്‍ വേര്‍ഷനുകള്‍ പലപ്പോഴും പ്രേക്ഷകപ്രീതി നേടാറുണ്ട്. പാട്ട് മാത്രമല്ല നൃത്തത്തിനൊരുങ്ങുന്ന കവറുകള്‍ക്കും മികച്ച പ്രേക്ഷക സ്വീകാര്യതയാണ് ലഭിയ്ക്കാറുള്ളത്. ശ്രദ്ധ നേടുന്നതും സുന്ദരമായ ഒരു ഡാന്‍സ് കവറാണ്.
നറുമുഖയേ നറുമുഖയേ എന്ന ഗാനത്തിനാണ് ഈ ഡാന്‍സ് കവര്‍ ഒരുക്കിയിരിക്കുന്നത്. റ്റിറ്റി ആന്റണിയുടെ മനോഹരമായ നൃത്തച്ചുവടുകളാണ് ഡാന്‍സ് കവറിലെ പ്രധാന ആകര്‍ഷണം. ദീപക് പി ആണ് മ്യൂസിക് റീഅറേഞ്ച് ചെയ്തിരിക്കുന്നത്. ശുഭ ജയന്തന്റെ ആലാപനഭംഗിയും ഡാന്‍സ് കവറിനെ കൂടുതല്‍ മനോഹരമാക്കുന്നു.
Read more: മാസ്റ്റര്‍; തിയേറ്റര്‍ റിലീസിന് അഭിനന്ദനവുമായി ധനുഷ്
ദൃശ്യഭംഗിയിലും ഏറെ മികച്ചു നില്‍ക്കുന്നുണ്ട് ഈ ഡാന്‍സ് കവര്‍. ഇരുവര്‍ എന്ന ചിത്രത്തിലൂടെ പ്രേക്ഷകമനസ്സുകള്‍ കീഴടക്കിയ നറുമുഖയേ… എന്ന സെമിക്ലാസിക്കല്‍ ഗാനം സുന്ദരമായ നൃത്തത്തിന്റെ പശ്ചാത്തലത്തില്‍ വീണ്ടും ആസ്വാദകരിലേക്കെത്തുമ്പോള്‍ ഭംഗിയേറെയാണ്.
Story highlights: Narumugaye Dance Cover
