അൾസറിനെ അകറ്റാൻ ചില സിംപിൾ ടിപ്സ്
കൃത്യതയില്ലാത്ത ഭക്ഷണരീതിയിലൂടെ മിക്കവരിലും കണ്ടുവരുന്ന രോഗാവസ്ഥയാണ് അൾസർ. അള്‍സറിന്റെ ലക്ഷണങ്ങൾ ഉള്ളവർ എരിവും പുളിയും പരമാവധി ഒഴിവാക്കുന്നതാണ് നല്ലത്. എരിവ്, പുളി എന്നിവയൊക്കെ അല്‍പം മാത്രം ഭക്ഷണത്തില്‍ ഉപയോഗിക്കുന്നതാണ് എപ്പോഴും നല്ലത്. എണ്ണയില്‍ വറുത്തതും പൊരിച്ചതുമായ ഭക്ഷണ സാധനങ്ങളുടേയും അളവ് കുറയ്ക്കാം. ഇടവേളകളില്‍ വറുത്ത സ്‌നാക്‌സ് കഴിക്കുന്നതിന് പകരമായി പച്ചക്കറികളോ പഴങ്ങളോ സാലഡോ അല്ലെങ്കില്‍ നട്‌സോ ശീലമാക്കാവുന്നതാണ്.
ഭക്ഷണം കഴിക്കുന്ന രീതിയിലും അല്പമൊന്ന് ശ്രദ്ധിക്കേണ്ടത് അത്യാവശ്യമാണ്. മൂന്ന് നേരം അമിതമായി ഭക്ഷണം കഴിക്കുന്നതിനു പകരം അഞ്ച് നേരങ്ങളിലായി മിതമായി ഭക്ഷണം കഴിക്കുന്നതാണ് എപ്പോഴും ആരോഗ്യകരം. ഇത് വിശപ്പിനെ ചെറുക്കാനും സഹായിക്കുന്നു. അള്‍സര്‍ രോഗാവസ്ഥ ഉള്ളവര്‍ വിശന്നിരിക്കുന്നത് കൂടുതല്‍ ഹാനികരമാണ്. അതിനാല്‍ ഇടയ്ക്കിടെ ചെറിയ തോതില്‍ ഭക്ഷണം കഴിക്കാന്‍ ശ്രദ്ധിക്കുക.
Read also:‘ഒരു കല രണ്ട് ഇതിഹാസങ്ങള്‍’; മോഹന്‍ലാലിനും പ്രിയദര്‍ശനും ഒപ്പമുള്ള ചിത്രം പങ്കുവെച്ച് ബിജു മേനോന്‍
മസാലകള്‍ അടങ്ങിയ ഭക്ഷണം, പൊട്ടറ്റോ ചിപ്‌സ്, ഫാസ്റ്റ് ഫുഡ്, സോയാ സോസ്, സാള്‍ട്ടഡ് നട്‌സ് എന്നിവയും അള്‍സര്‍ വര്‍ധിപ്പിക്കാന്‍ കാരണമാകും. അതുകൊണ്ടുതന്നെ ഇവയും പരമാവധി ഒഴിവാക്കുന്നതാണ് നല്ലത്. കാപ്പി, ചായ, സോഫ്റ്റ് ഡ്രിങ്ക്‌സ് എന്നിവയും അള്‍സറിന് കാരണമാകാറുണ്ട്. ഇവയുടെ ഉപയോഗവും കുറയ്ക്കാന്‍ ശ്രദ്ധിക്കുക. മുന്തിരി, നാരങ്ങ, ഓറഞ്ച് തുടങ്ങിയ അസിഡിറ്റി കൂടുതലുള്ള പഴ വര്‍ഗങ്ങളും അള്‍സര്‍ രോഗാവസ്ഥയിലുള്ളവര്‍ കഴിക്കാതിരിക്കുന്നതാണ് നല്ലത്.
Story Highlights: natural and home remedies for ulcer
