വിവാഹത്തിന് പിന്നാലെ ബീച്ച് ക്ലീനാക്കാന്‍ ഇറങ്ങിത്തിരിച്ച നവദമ്പതികള്‍; വേറിട്ട മാതൃക
പരിസ്ഥിതി സ്‌നേഹത്തിന്റെ പല കഥകളും നാം കേട്ടിട്ടുണ്ട്. പരിസ്ഥിതി സ്‌നേഹത്തിന്റെ വേറിട്ട മാതൃകയൊരുക്കിയിരിക്കുകയാണ് ദമ്പതികളായ അനുദീപും മിനുഷയും ചേര്‍ന്ന്. വിവാഹതിരായതിന് ശേഷം ഇരുവരും ചേര്‍ന്ന് ആദ്യം ഒരുമിച്ചെടുത്ത തീരുമാനം ഒരു ബീച്ച് വൃത്തിയാക്കുക എന്നതായിരുന്നു.
നവംബര്‍ 18-നായിരുന്നു അനുദീപും മിനുഷയും വിവാഹിതരായത്. മഹാമാരിയായ കൊവിഡിന്റെ പശ്ചാത്തലം നിലനില്‍ക്കുന്ന സാഹചര്യത്തില്‍ മധുവിധുയാത്രകള്‍ ഉടനെ വേണ്ടെന്നുവെച്ചു ഇരുവരും. പകരം ദക്ഷിണ കന്നഡ ജില്ലയിലെ സോമേശ്വര്‍ ബീച്ച് വൃത്തിയാക്കാന്‍ തീരുമാനിച്ചു.
Read more: ‘ആല്‍ തൊട്ട ഭൂപതി നാനെടാ…’; രസികന്‍ ക്യാപ്ഷനുമായി വീണ്ടും രമേഷ് പിഷാരടി
ദിവസങ്ങള്‍ ഏറെയെടുത്തു ഇരുവരും ചേര്‍ന്ന് ബീച്ച് വൃത്തിയാക്കാന്‍. മൂന്ന് കിലോമീറ്ററിനുള്ളില്‍ നിന്നുമായി ഏകദേശം അറുനൂറ് കിലോഗ്രാമോളം മാലിന്യങ്ങളാണ് നവനദമ്പതികള്‍ ചേര്‍ന്ന് ശേഖരിച്ചത്. നിരവധി യുവാക്കളും നവദമ്പതികള്‍ക്ക് പിന്തുണയുമായെത്തി.
Story highlights: Newly married couple cleans beach
