ദാമു അണ്ണന്‍ മാസ്സ് ആണെന്ന് പൃഥ്വിരാജും: വൈറലായി ചിത്രം
ട്രോളുകള്‍ അരങ്ങു വാഴുന്ന കാലമാണ് ഇത്. എന്തിനും ഏതിനും രസകരമായ രീതിയില്‍ ട്രോളുണ്ടാക്കുന്ന ട്രോളന്മാരും നിരവധിയാണ്. സമൂഹമാധ്യമങ്ങളില്‍ ശ്രദ്ധ നേടുകായണ് പൃഥ്വിരാജ് പങ്കുവെച്ച ഒരു ട്രോള്‍ ചിത്രം. സൈക്ലിങ്ങില്‍ പൃഥ്വിരാജിനെ പിന്നിലാക്കി മുന്നേറുന്ന ദശമൂലം ദാമുവാണ് ട്രോള്‍ ചിത്രത്തിലെ ആകര്‍ഷണം.
ദാമു അണ്ണന്‍ മാസ്സ് എന്ന അടിക്കുറിപ്പോടെയാണ് ഈ ട്രോള്‍ ചിത്രം പൃഥ്വിരാജ് സമൂഹമാധ്യമങ്ങളില്‍ പങ്കുവെച്ചത്. കഴിഞ്ഞ ദിവസം പൃഥ്വിരാജ് നായകനായെത്തുന്ന കോള്‍ഡ് കേസ് എന്ന ചിത്രത്തിന്റേതായി ഒരു സൈക്ലിങ് ചിത്രം താരം പങ്കുവെച്ചിരുന്നു. ഈ ചിത്രത്തിലാണ് പൃഥ്വിരാജിനൊപ്പം ദാമുവിനെ കൂടി എഡിറ്റിങ്ങിലൂടെ ചേര്‍ത്ത് ട്രോള്‍ ഉണ്ടാക്കിയത്. എന്തായാലും വൈറലായിരിക്കുകയാണ് ഈ ട്രോള്‍.
Damu annan mass 😎 https://t.co/YUYpypd9x9
— Prithviraj Sukumaran (@PrithviOfficial) December 6, 2020
അതേസമയം പൃഥ്വിരാജ് കേന്ദ്രകഥാപാത്രമായെത്തുന്ന പുതിയ ചിത്രമാണ് കോള്‍ഡ് കേസ്. എസിപി സത്യജിത് എന്ന കഥാപാത്രമായാണ് ചിത്പരത്തില്‍ പൃഥ്വിരാജ് എത്തുന്നത്. തനു ബാലക്ക് ആണ് ചിത്രത്തിന്റെ സംവിധാനം. പൃഥ്വിരാജ് പൊലീസ് വേഷത്തിലെത്തുന്നു എന്നതുതന്നെയാണ് ചിത്രത്തിന്റെ പ്രധാന ആകര്‍ഷണവും.
ഒരു യഥാര്‍ത്ഥ സംഭവത്തില്‍ നിന്നും പ്രചോദനം ഉള്‍ക്കൊണ്ടുകൊണ്ടാണ് ചിത്രം ഒരുക്കുന്നത് എന്നാണ് സൂചന. അദിതി ബാലനാണ് ചിത്രത്തില്‍ നായികാ കഥാപാത്രമായെത്തുന്നത്. ഗിരീഷ് ഗംഗാധരനും ജോമോന്‍ ടി ജോണും ചേര്‍ന്നാണ് ചിത്രത്തിന്റെ ഛായാഗ്രഹം നിര്‍വഹിക്കുന്നത്. ആന്റോ ജോസഫ്, ജോമോന്‍ ടി ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം.
Story highlights: Prithviraj Sukumaran Shares Troll Photo
