ഇഷ്ടതാരങ്ങൾ എല്ലാം ഒന്നിച്ച്; ഇതാണ് ഫുട്‍ബോളിലെ സ്വപ്ന ടീം
ലോകം മുഴുവനുമുള്ള ഫുട്ബോൾ ആരാധകരുടെ ഇഷ്ടതാരങ്ങൾ…ലോകം ആർപ്പുവിളികളോടെ എതിരേറ്റ പെലെയും മറഡോണയും മെസ്സിയും ക്രിസ്റ്റ്യാനോ റൊണാൾഡോയും തുടങ്ങിയ താരങ്ങളെല്ലാം ഒന്നിച്ചുള്ള ഒരു ടീം, വെറുതെയെങ്കിലും ഇങ്ങനെ ഒരു ടീമിനെ സ്വപ്നം കാണാത്ത ഫുട്ബോൾ പ്രേമികൾ ഉണ്ടാവില്ല. എന്നാൽ ഇപ്പോഴിതാ സ്വപ്നം കണ്ടതുപോലൊരു ടീമിനെയാണ് ബാലൺദ്യോർ ഡ്രീം ഇലവനിൽ പ്രഖ്യാപിച്ചിരിക്കുന്നത്.
കൊവിഡ് പശ്ചാത്തലത്തിൽ ബാലൺദ്യോർ പുരസ്‌കാരം ഇത്തവണ ഒഴിവാക്കിയിരുന്നു. ഈ സാഹചര്യത്തിലാണ് സംഘാടകരായ ഫ്രാൻസ് ഫുട്ബോൾ മാസിക ഡ്രീം ടീമിനെ പ്രഖ്യാപിച്ചത്. വിവിധ രാജ്യങ്ങളിൽ നിന്നും തെരഞ്ഞെടുക്കപ്പെട്ട 140 -ഓളം കായിക മാധ്യമ പ്രവർത്തകരാണ് ഈ ടീമിനെ പ്രഖ്യാപിച്ചത്.
Read also:ശസ്ത്രകിയക്കിടെ പിയാനോ വായിച്ച് ഒൻപത് വയസുകാരി; വീഡിയോ
ഗോൾ കീപ്പറായി റഷ്യൻ താരം ലെവ് യാഷിൻ, ഇറ്റലിയുടെ പൗളോ മാൾഡിനി, ജർമനിയുടെ ഫ്രാൻസ് ബെക്കൻബോവർ, ബ്രസീൽ താരം കഫു, ജർമനിയുടെ ലൂഥർ മത്തേയൂസ്, സ്‌പെയിൻ താരം സാവി, ബ്രസീൽ താരം പെലെ, അർജന്റീനിയൻ താരം മറഡോണ, പോർച്ചുഗൽ താരം ക്രിസ്റ്റ്യാനോ റൊണാൾഡോ, അർജന്റീനയുടെ ലയണൽ മെസ്സി, ബ്രസീൽ താരം റൊണാൾഡോ തുടങ്ങിയവരാണ് പതിനൊന്നംഗ ടീമിൽ ഇടം നേടിയിരിക്കുന്നത്.
Story Highlights: the ballon d or dream team
