പ്രജേഷ് സെന്നിന്റെ സംവിധാനത്തിൽ നിരഞ്ജന നായികയാകുന്ന ‘ദി സീക്രട്ട് വുമൺ’
പ്രജേഷ് സെൻ സംവിധാനം ചെയ്യുന്ന ‘ദി സീക്രട്ട് ഓഫ് വുമൺ’ എന്ന ചിത്രത്തിൽ പ്രധാന കഥാപാത്രമായി നിരഞ്ജന അനൂപ്. അഭിനേതാക്കളായ ഉണ്ണി മുകുന്ദൻ, ടോവിനോ തോമസ്, ഐശ്വര്യ ലക്ഷ്മി എന്നിവർ പോസ്റ്റർ പങ്കുവെച്ചത്. ‘ക്യാപ്റ്റൻ’ എന്ന ചിത്രത്തിലൂടെ ശ്രദ്ധേയനായ സംവിധായകനാണ് പ്രജേഷ് സെൻ.
‘ചിത്രത്തിന്റെ ഭാഗമാകുന്നതിന്റെ ആവേശത്തിലാണ് നിരഞ്ജന അനൂപ്. ‘നിങ്ങളുടെ സ്നേഹവും അനുഗ്രഹങ്ങളും തേടുന്നു. ️ ഇത് ശരിക്കും എന്റെ ഹൃദയത്തോട് അടുത്തുനിൽക്കുന്നതാണ് … പ്രജേഷേട്ടനും മനോഹരമായ ടീമിനും നന്ദി’- നിരഞ്ജന അനൂപ് കുറിക്കുന്നു.
ജി പ്രജേഷ് സെൻ തിരക്കഥയെഴുതി സംവിധാനം ചെയ്യുന്ന ‘ദ സീക്രട്ട് ഓഫ് വുമൺ’ അടുത്ത വർഷം പ്രദർശനത്തിനെത്തും. ലെബിസൺ ഗോപിയാണ് ക്യാമറ, ബിജിത്ത് ബാലയാണ് എഡിറ്റർ. അനിൽ കൃഷ്ണ സംഗീതം ഒരുക്കുന്നു. ജനപ്രിയ സംഗീതജ്ഞൻ ബിജിബാലാണ് പശ്ചാത്തല സംഗീതം ഒരുക്കുന്നത്.
Read More: ഏഴാം വയസ്സില്‍ വിമാനം പറത്തി ശ്രദ്ധനേടിയ കുട്ടിപൈലറ്റ്
2015ൽ പുറത്തിറങ്ങിയ ‘ലോഹം’ എന്ന ചിത്രത്തിലൂടെയാണ് നിരഞ്ജന അനൂപ് അഭിനയരംഗത്തേക്ക് ചുവടുവെച്ചത്. സംവിധായകൻ രഞ്ജിത്ത് നിരഞ്ജനയുടെ മാതൃ സഹോദരനാണ്. അഭിനയികാകനുള്ള ആഗ്രഹം ആദ്യമായി രഞ്ജിത്തിനോട് പങ്കുവച്ചപ്പോൾ തുടക്കത്തിൽ എതിർത്തെങ്കിലും ലോഹത്തിൽ അഭിനയിക്കാൻ അവസരം നൽകുകയായിരുന്നു.
Story highlights- the secret women
