രസികന്‍ ഭാവങ്ങളും തകര്‍പ്പന്‍ സ്റ്റെപ്പും; ബോളിവുഡ് ഗാനത്തിന് ചുവടുവെച്ച് അച്ഛനും മകനും: വൈറല്‍ വീഡിയോ
സമൂഹമാധ്യമങ്ങള്‍ ജനപ്രിയമായിട്ട് കാലങ്ങള്‍ കുറച്ചേറെയായി. രസകരങ്ങളും കൗതുകം നിറയ്ക്കുന്നതുമായ നിരവധി ചിത്രങ്ങളും വീഡിയോകളും സമൂഹമാധ്യമങ്ങളില്‍ പ്രത്യക്ഷപ്പെടാറുണ്ട്. ഇത്തരം ദൃശ്യങ്ങള്‍ക്ക് കാഴ്ചക്കാരും ഏറെയാണ്.
കഴിഞ്ഞ കുറച്ചു ദിവസങ്ങളായി സമൂഹമാധ്യമങ്ങളില്‍ നിറയുന്നത് മനോഹരമായ ഒരു ഡാന്‍സ് വീഡിയോയാണ്. ബോളിവുഡ് ഗാനത്തിന് ചുവടുവയ്ക്കുന്ന അച്ഛനും മകനുമാണ് വീഡിയോയിലെ താരങ്ങള്‍. പ്രായത്തെ പോലും മറന്ന് മകനൊപ്പം ഡാന്‍സ് ചെയ്യുന്ന അച്ഛനെ പലരും പ്രശംസിക്കുന്നു. എന്തായാലും ഏറെ മികച്ചു നില്‍ക്കുന്നുണ്ട് ഇരുവരുടേയും പ്രകടനം.
Read more: മഞ്ഞുകണങ്ങള്‍ക്കരികിലിരുന്ന് അനാര്‍ക്കലി മനോഹരമായി പാടി; നീ ഹിമമഴയായ് വരൂ…: വീഡിയോ
ഓ ബേട്ടാജി എന്ന ഹിറ്റ് ഗാനത്തിനാണ് ഈ അച്ഛനും മകനും മനോഹരമായി നൃത്തം ചെയ്യുന്നത്. 1951-ല്‍ പുറത്തിറങ്ങിയ അല്‍ബേല എന്ന ചിത്രത്തിലേതാണ് ഈ ഗാനം. ഇന്‍സ്റ്റഗ്രാമില്‍ പ്രത്യക്ഷപ്പെട്ട വീഡിയോ ഇതിനോടകംതന്നെ നിരവധിപ്പേര്‍ കണ്ടുകഴിഞ്ഞു. മികച്ച സ്വീകാര്യതയാണ് സൈബര്‍ ഇടങ്ങളില്‍ ഈ നൃത്തത്തിന് ലഭിയ്ക്കുന്നതും.
Story highlights: Beautiful dance performance by father and son
