അതിശയിപ്പിച്ച് കുഞ്ഞുമിടുക്കന്റെ ക്രോസ്ഫിറ്റ് വർക്ക്ഔട്ട്; വീഡിയോ
പലപ്പോഴും മുതിർന്നവരെപ്പോലും അത്ഭുതപ്പെടുത്താറുണ്ട് ചില കൊച്ചുകുട്ടികൾ. അത്തരത്തിൽ ഒരു കൊച്ചുമിടുക്കന്റെ വർക്ക് ഔട്ട് വീഡിയോയാണ് ഇപ്പോൾ സോഷ്യൽ ഇടങ്ങളിൽ വൈറലാകുന്നത്. ജിമ്മിൽ ക്രോസ്ഫിറ്റ് വർക്ക്ഔട്ട് ചെയ്തുകൊണ്ടാണ് ഈ കൊച്ചുമിടുക്കൻ ആളുകളെ ഞെട്ടിക്കുന്നത്. മുതിർന്നവർ ചെയ്യുന്നതുപോലെ വളരെ കൃത്യമായാണ് ഈ കുഞ്ഞ് ക്രോസ്ഫിറ്റ് വർക്ക്ഔട്ട് ചെയ്യുന്നത്.
കുട്ടിയുടെ അച്ഛനും ജിം ട്രെയ്‌നറുമായ ചേസ് ഇൻഹാം ട്വിറ്ററിൽ പങ്കുവെച്ച വീഡിയോ ഇതിനോടകം നിരവധിപ്പേർ കണ്ടുകഴിഞ്ഞു. മികച്ച പ്രതികരണങ്ങളാണ് ഈ കുട്ടി താരത്തിന് ലഭിച്ചുകൊണ്ടിരിക്കുന്നത്. മുതിർന്നവർ ചെയ്യുന്നതുപോലെ തന്നെ പുള്‍ അപ്‌സ്, ബര്‍പീസ്, ഡാന്‍സ് എന്നിവ ക്രമമായി ചെയ്തശേഷം നീണ്ടു നിവര്‍ന്ന് കിടന്ന് വിശ്രമിക്കുന്നതും വീഡിയോയിൽ കാണാം.
എന്റെ നിർദ്ദേശങ്ങൾ ഇല്ലാതെതന്നെ അവൻ കൃത്യമായി ക്രോസ്ഫിറ്റ് വർക്ക്ഔട്ട് ചെയ്യുന്നുവെന്ന ക്യാപ്‌ഷനോടെ കുട്ടിയുടെ പിതാവാണ് വീഡിയോ ട്വീറ്റ് ചെയ്തിരിക്കുന്നത്.
My son made up his own @CrossFit workout today without any guidance from me at all 😍 pic.twitter.com/HMWFzLO7Ru
— Chase Ingraham (@CaptAmericaXfit) December 31, 2020
Story Highlights:kid makes up his own workout routine
