ശ്വാസമടക്കിപ്പിടിക്കാതെ കണ്ടിരിക്കാനാവില്ല ഈ കാഴ്ച; ഒരു വലിയ കുമിളയ്ക്കുളിൽ 783 ചെറുകുമിളകൾ, റെക്കോർഡ് നേട്ടവുമായി യുവാവ്
ചില കാഴ്ചകൾ അങ്ങനെയാണ് ശ്വാസമടക്കിപ്പിടിക്കാതെ കണ്ടിരിക്കാനാവില്ല… അത്തരത്തിൽ ഒരു കാഴ്ചയാണ് ചാങ്ങ് യു തെ എന്ന യുവാവ് കാഴ്ചക്കാർക്ക് സമ്മാനിക്കുന്നതും. മനോഹരമായ കുമിളകൾ ഒരുക്കി റെക്കോർഡ് നേട്ടം കരസ്ഥമാക്കിയിരിക്കുകയാണ് ചാങ്ങ് യു തെ. കാഴ്ചക്കാരിൽ കൗതുകം നിറയ്ക്കുന്നതും എന്നാൽ ഏറെ ശ്രദ്ധയും കരുതലും ആവശ്യമായ ഒന്നാണ് പൊട്ടാതെ കുമിളകൾ സൃഷ്ടിക്കുക എന്നത്.
അത്തരത്തിൽ ഒരു വലിയ കുമിളയ്ക്കുള്ളിൽ 783 ചെറു കുമിളകൾ ഊതിവീർപ്പിച്ചിരിക്കുകയാണ് ചാങ്ങ് യു തെ. ഓരോ കുമിളയും പൊട്ടാതെ സസൂഷ്മം ഊതിവീർപ്പിച്ചാണ് ചാങ്ങ് യു തെ 783 കുമിളകൾ ഒരുക്കിയിരിക്കുന്നത്. ഇതോടെ ഇത്രയധികം കുമിളകൾ ഒരുക്കിയ ചാങ്ങ് യു തെ ഗിന്നസ് വേൾഡ് റെക്കോർഡ്സിലും ഇടംനേടി.
Read also: മുറി ഹിന്ദിയും ഹൃദയംനിറയെ കരുതലും; സൗമ്യതകൊണ്ട് ഹൃദയംകവർന്ന പൊലീസ് ഉദ്യോഗസ്ഥൻ, ഊഷ്മളം ഈ വീഡിയോ
ഗിന്നസ് വേൾഡ് റെക്കോർഡ്‌സിന്റെ ഔദ്യോഗിക ഫേസ്ബുക്ക് പേജിൽ പോസ്റ്റ് ചെയ്തിരിക്കുന്ന വീഡിയോ ശ്വാസമടക്കിപ്പിടിക്കാതെ കണ്ടിരിക്കാനാവില്ല. അത്രമേൽ കരുതലോടെയാണ് ചാങ്ങ് യു തെ കുമിളകൾ ഒരുക്കിയിരിക്കുന്നത്. അതേസമയം സമൂഹമാധ്യമങ്ങളിൽ പങ്കുവയ്ക്കപ്പെട്ട വീഡിയോ ഇതിനോടകം നിരവധിപ്പേർ കണ്ടുകഴിഞ്ഞു. മികച്ച പ്രതികരണമാണ് വീഡിയോയ്ക്ക് ലഭിക്കുന്നതും.
Story Highlights: Man Blowing 783 Bubbles In A Bubble gets Guinness World Records
