ഐസിസിയുടെ ടെസ്റ്റ് റാങ്കിങ്ങില്‍ നേട്ടം കൊയ്ത് ഇന്ത്യന്‍ താരങ്ങള്‍
ഐസിസി പുറത്തുവിട്ട പുതിയ ടെസ്റ്റ് റാങ്കിങ്ങില്‍ നേട്ടം കൊയ്ത് ഇന്ത്യന്‍ താരങ്ങള്‍. അടുത്തിടെ ഇംഗ്ലണ്ടിനെതിരെ നടന്ന ടെസ്റ്റ് പരമ്പര സ്വന്തമാക്കിയതോടെയാണ് ഇന്ത്യന്‍ താരങ്ങള്‍ക്ക് റാങ്കിങ് പട്ടികയില്‍ നേട്ടമുണ്ടാക്കാന്‍ സാധിച്ചത്. ഐസിസി പുറത്തുവിട്ട മികച്ച ടെസ്റ്റ് ബാറ്റ്‌സ്മാന്‍മാരുടെ പട്ടികയില്‍ ഇന്ത്യന്‍ നായകന്‍ വിരാട് കോലി അഞ്ചാം സ്ഥാനത്താണ്.
അതേസമയം ഋഷഭ് പന്താണ് മികച്ച നേട്ടം കൈവരിച്ചത്. പട്ടികയില്‍ ഏഴാം സ്ഥാനത്താണ് താരം. ഏഴ് സ്ഥാനങ്ങള്‍ മെച്ചപ്പെടുത്തിയാണ് ഋഷഭ് പന്ത് ഏഴാം സ്ഥാനത്തെത്തിയത്. ഇന്ത്യയുടെ ഹിറ്റ്മാന്‍ രോഹിത് ശര്‍മയും ഏഴാം സ്ഥാനത്തുണ്ട്. ന്യൂസിലന്‍ഡ് ക്യാപ്റ്റന്‍ കെയിന്‍ വില്യംസാണാണ് ബാറ്റ്‌സ്മാന്‍മാരുടെ പട്ടികയില്‍ ഒന്നാമത്.
ബൗളര്‍മാരുടെ പട്ടികയുടെ ഇന്ത്യയുടെ ആര്‍ അശ്വിന്‍ രണ്ടാം സ്ഥാനത്തുണ്ട്. നേരത്തെ മൂന്നാം സ്ഥാനത്തായിരുന്ന അശ്വിന്‍ ഒരു സ്ഥാനം മെച്ചപ്പെടുത്തിയാണ് രണ്ടാം സ്ഥാനത്തെത്തിയത്. ജസ്പ്രീത് ബുംറ പത്താം സ്ഥാനത്തുമുണ്ട്. ഓസ്‌ട്രേലിയന്‍ താരം പാറ്റ് കമ്മിന്‍സാണ് ബൗളര്‍മാരുടെ പട്ടികയില്‍ ഒന്നാം സ്ഥാനത്ത്.
ഓള്‍റൗണ്ടര്‍മാരുടെ പട്ടികയിലും ആദ്യ പത്തില്‍ ഇന്ത്യന്‍ താരങ്ങള്‍ ഇടം നേടിയിട്ടുണ്ട്. ഇന്ത്യന്‍ താരം രവീന്ദ്ര ജഡേജ ഓള്‍റൗണ്ടര്‍മാരുടെ പട്ടികയില്‍ മൂന്നാം സ്ഥാനത്തുണ്ട്. പട്ടികയില്‍ അശ്വിന്‍ നാലാം സ്ഥാനത്താണ്. ഒരു സ്ഥാനം മെച്ചപ്പെടുത്തിയാണ് താരം നാലാമതെത്തിയത്.
Story highlights: ICC Test Ranking
