സംഗീത ആസ്വാദകർക്കിടയിൽ ശ്രദ്ധ നേടി സിജു വിൽസൺ നായകനാകുന്ന ചിത്രത്തിലെ ഗാനം
ചലച്ചിത്ര ആസ്വാദകര്‍ക്കിടയില്‍ ശ്രദ്ധ ആകര്‍ഷിക്കുകയാണ് സിജു വിൽസൺ നായകനാകുന്ന ‘ഇന്നുമുതല്‍’ എന്ന സിനിമയിലെ വിഡിയോ ഗാനം. മെജോ ജോസഫിന്റെ ഈണത്തിൽ വിരിഞ്ഞ ഗാനം ആലപിച്ചിരിക്കുന്നത് സിയ ഉൽ ഹബ് ആണ്. സുധാകരൻ കെ പിയുടേതാണ് വരികൾ. അഭിനയമികവുകൊണ്ട് പ്രേക്ഷക സ്വീകാര്യത നേടിയ സിജു വിത്സനാണ് ഗാനത്തിലേയും മുഖ്യ ആകർഷണം.
രജീഷ് മിഥിലയാണ് ചിത്രത്തിന്റെ സംവിധാനം നിര്‍വഹിക്കുന്നത്. വാരിക്കുഴിയിലെ കൊലപാതകം, ലാല്‍ ബഹദൂര്‍ ശാസ്ത്രി എന്നീ സിനിമകള്‍ക്ക് ശേഷം രജീഷ് മിഥില സംവിധാനം നിര്‍വഹിക്കുന്ന ചിത്രമാണ് ‘ഇന്നുമുതല്‍’. ദ് ഗ്രേറ്റ് ഇന്ത്യന്‍ സിനിമാസിന്റെ ബാനറില്‍ രജീഷ് മിഥില, സംഗീത സംവിധായകന്‍ മെജോ ജോസഫ്, ലിജോ ജെയിസ് എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. വിമല്‍ കുമാര്‍ സഹനിര്‍മാതാവാണ്.
Read also:‘മോഡൽ സ്കൂൾ 10 ഇ-യിലെ ലാലുവും 9 എച്ചിലെ വേണുവും’- ഓർമ്മകുറിപ്പുമായി ജി വേണുഗോപാൽ
രജീഷ് മിഥില തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നതും. നിരവധി താരങ്ങളും അണിനിരക്കുന്നുണ്ട് ചിത്രത്തില്‍. ഇന്ദ്രന്‍സ്, സൂരജ് പോപ്‌സ്, ഉദയ് ചന്ദ്ര, നവാസ് വള്ളിക്കുന്ന്, ഗോകുലന്‍, ദിലീപ് ലോഖറെ തുടങ്ങിയവര്‍ ചിത്രത്തില്‍ വിവിധ കഥാപാത്രങ്ങളായെത്തുന്നു. അതേസമയം നിരവധി ചിത്രങ്ങളാണ് സിജു വിൽസന്റെതായി അണിയറയിൽ ഒരുങ്ങുന്നത്.
Story Highlights:Innu Muthal Video Song
