ഭയവും ഭക്തിയും നിറച്ച് ‘ദി പ്രീസ്റ്റി’ലെ ആദ്യ ഗാനം-‘നസറേത്തിൻ നാട്ടിലെ..’ വീഡിയോ ഗാനമെത്തി
ഹൊറർ മിസ്റ്ററി അനുഭവം സമ്മാനിച്ച് തിയേറ്ററുകളിൽ പ്രദർശനം തുടരുന്ന ചിത്രമാണ് ‘ദി പ്രീസ്റ്റ്’. മമ്മൂട്ടി, മഞ്ജു വാര്യർ, നിഖില വിമൽ തുടങ്ങിയവരെ പ്രധാന കഥാപാത്രങ്ങളാക്കി ജോഫിൻ ടി ചാക്കോ സംവിധാനം ചെയ്ത ചിത്രമാണ് ദി പ്രീസ്റ്റ്. റിലീസിന് മുൻപ് തന്നെ ചിത്രത്തിലെ ‘നസറേത്തിൻ നാട്ടിലെ..’ എന്ന ഗാനത്തിന്റെ ലിറിക്കൽ വീഡിയോ ശ്രദ്ധ നേടിയിരുന്നു. ഇപ്പോഴിതാ, വീഡിയോ ഗാനവുമെത്തിയിരിക്കുകയാണ്.
ഭയവും ഭക്തിയും നിറച്ചൊരുക്കിയിരിക്കുന്ന ഗാനത്തിൽ ബേബി മോണിക്കയാണ് എത്തുന്നത്. മമ്മൂട്ടിയും മഞ്ജു വാര്യരും ആദ്യമായി ഒന്നിക്കുന്ന ചിത്രമാണ് ദി പ്രീസ്റ്റ്. സെക്കൻഡ് ഷോ അനുവദിക്കാത്തതിനാൽ ചിത്രത്തിന്റെ റീലീസ് നേരത്തെ തീരുമാനിച്ചതിൽ നിന്നും മാറ്റിയിരുന്നു. പിന്നീട് മാർച്ച് പതിനൊന്നിന് സെക്കൻഡ് ഷോയ്‌ക്കൊപ്പം ചിത്രം തിയേറ്ററുകളിലേക്ക് എത്തുകയായിരുന്നു.
Read More:നൃത്ത ഭാവങ്ങളിൽ നിറഞ്ഞാടി അനു സിതാരയും നിമിഷയും- മനോഹര വീഡിയോ
ആന്റോ ജോസഫ് ഫിലിം കമ്പനി, ആർ‌ഡി ഇല്ല്യൂമിനേഷൻസ് എന്നിവയുടെ ബാനറിൽ ആന്റോ ജോസഫ്, ഉണ്ണികൃഷ്ണൻ ബി, വി എൻ ബാബു എന്നിവരാണ് ചിത്രം നിർമിക്കുന്നത്. ഒരു മിസ്റ്ററി ത്രില്ലറായ ‘ദി പ്രീസ്റ്റിൽ സാനിയ ഇയ്യപ്പനും പ്രധാന കഥാപാത്രത്തെ അവതരിപ്പിക്കുന്നു. ശക്തരായ രണ്ട് കഥാപാത്രങ്ങളെയാണ് ചിത്രത്തില്‍ മമ്മൂട്ടിയും മഞ്ജു വാര്യരും അവതരിപ്പിക്കുന്നത്. ദീപു പ്രദീപ്, ശ്യാം മേനോന്‍ എന്നിവര്‍ ചേര്‍ന്നാണ് ചിത്രത്തിന് തിരക്കഥ ഒരുക്കുന്നത്.
Story highlights- Nazarethil naattile video song
