‘ഭഗവാൻ ഭഗവത്ഗീതയിൽ’…ഹൃദയംകൊണ്ടുപാടി ശ്രീഹരി; പാട്ട് വേദിയിലെ അനുഗ്രഹീത നിമിഷം, വിഡിയോ
ആലാപനമികവുകൊണ്ട് ആസ്വാദക ഹൃദയങ്ങൾ കീഴടക്കിയ കൊച്ചുഗായകനാണ് ശ്രീഹരി. ടോപ് സിംഗർ വേദിയിൽ മനോഹരമായ പാട്ടുകളുമായെത്തുന്ന ശ്രീഹരി ഇതിനോടകം നിരവധി പാട്ടുപ്രേമികളുടെ ഹൃദയത്തിൽ ഇടംനേടിക്കഴിഞ്ഞു. ഇപ്പോഴിതാ മലയാളി സംഗീതാസ്വാദകരുടെ മുഴുവൻ ഇഷ്ടഗാനങ്ങളിലൊന്നുമായി എത്തി പ്രേക്ഷക മനം കവർന്ന ശ്രീഹരിയുടെ ഒരു പെർഫോമൻസാണ് ഏറെ ശ്രദ്ധ നേടുന്നത്.
‘സംഭവാമി യുഗേ യുഗേ’ എന്ന ചിത്രത്തിലെ ‘ഭഗവാൻ ഭഗവത്ഗീതയിൽ പാടി…’ എന്ന ഗാനവുമായാണ് ഇത്തവണ ശ്രീഹരി പാട്ട് വേദിയിൽ എത്തിയത്. ശ്രീകുമാരൻ തമ്പിയുടെ വരികൾക്ക് എം എസ് ബാബുരാജ് സംഗീതം നൽകിയ ഗാനം ചിത്രത്തിൽ ആലപിച്ചിരിക്കുന്നത് കെ ജെ യേശുദാസ് ആണ്. മലയാളികളുടെ ഇഷ്ടഗാനവുമായി പാട്ട് വേദിയിൽ ശ്രീഹരി വീണ്ടുമെത്തിയപ്പോൾ നിരവധി സമ്മാനങ്ങളുമായി മികച്ച സ്വീകാര്യതയാണ് ഈ കുഞ്ഞുപാട്ടുകാരന് ലഭിച്ചത്. അത്രമേൽ ഹൃദ്യമായാണ് ശ്രീഹരി പാടുന്നത്.
നാടൻ പാട്ടുകളുമായെത്തി ടോപ് സിംഗർ വേദിയിൽ എത്തിയ ശ്രീഹരി ഇപ്പോൾ വ്യത്യസ്തമായ ഗാനങ്ങളിലൂടെ ഓരോതവണയും പാട്ടുവേദിയെ വിസ്‍മയിപ്പിച്ചുകൊണ്ടിരിക്കുകയാണ്. പാലക്കാട് സ്വദേശിയായ ഈ കൊച്ചുഗായകൻ പാട്ടുവേദിയിൽ നിന്നും മലയാള ചലച്ചിത്ര പിന്നണി ഗാനരംഗത്തേക്കും ചുവടുവച്ചുകഴിഞ്ഞു.
പാട്ടും നൃത്തവും സ്കിറ്റുമൊക്കെയായി നിരവധി കുട്ടികുറുമ്പുകളാണ് ടോപ് സിംഗർ വേദിയിൽ എത്തുന്നത്. സംഗീത പ്രേമികൾ കേൾക്കാൻ കൊതിക്കുന്ന സുന്ദരഗാനങ്ങളുമായി എത്തുന്ന കൊച്ചുഗായകർ മാറ്റുരയ്ക്കുന്ന ടോപ് സിംഗർ വേദി ഇതിനോടകം മലയാളി പ്രേക്ഷകരുടെ ഇഷ്ട ഇടമായി മാറിക്കഴിഞ്ഞു. ആലാപനമികവിനപ്പുറം നിഷ്കളങ്കത നിറഞ്ഞ വർത്തമാനങ്ങൾക്കൊണ്ടും കുസൃതികൾക്കൊണ്ടും ടോപ് സിംഗർ വേദി ഏറെ അനുഗ്രഹീതമാണ്.
Story Highlights:Sreehari Top singer perfomance
