സംസ്ഥാനത്ത് മഴ ശക്തമാകുന്നു; ഏഴു ജില്ലകളിൽ യെല്ലോ അലേർട്ട്

സംസ്ഥാനത്ത് അടുത്ത അഞ്ചുദിവസങ്ങളിൽ ഒറ്റപ്പെട്ട കനത്ത മഴയ്ക്ക് സാധ്യത. കേന്ദ്ര കാലാവസ്ഥാ വകുപ്പ് വിവിധ ജില്ലകളിൽ ജാഗ്രതാ മുന്നറിയിപ്പ് നൽകി. ഇന്ന് ഏഴു ജില്ലകളിൽ യെല്ലോ അലേർട്ട് പ്രഖ്യാപിച്ചു. എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിലാണ് ഇന്ന് യെല്ലോ അലേർട്ട്.

വിവിധ തീരങ്ങളിൽ കടലാക്രമണ സാധ്യത ഉള്ളതിനാൽ അപകട സാധ്യതയുള്ള തീരപ്രദേശവാസികൾ മാറിത്താമസിക്കാൻ മുന്നറിയിപ്പ് ഉണ്ട്. ജൂൺ 21, 22, 23 തീയതികളിൽ എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ യെല്ലോ അലേർട്ട് പ്രഖ്യാപിച്ചിരിക്കുന്നു.

Story highlights- kerala rain yellow alert