ഈണത്തിൽ മേഘ്‌നക്കുട്ടി പാടി, പ്രിയഗാനം; അതിശയത്തോടെ മഞ്ജു വാര്യർ
ഫ്‌ളവേഴ്‌സ് ടോപ് സിംഗറിലെ ശ്രദ്ധേയ മത്സരാർത്ഥിയാണ് മേഘ്‌ന സുമേഷ്. പാട്ടിനൊപ്പം രസകരമായ സംഭാഷണങ്ങളും കുസൃതിയുമായി മേഘ്‌ന മനസ് കീഴടക്കി. ഓരോ എപ്പിസോഡിലും മേഘ്‌നക്കുട്ടിക്ക് പറയാൻ ഒട്ടേറെ വിശേഷങ്ങളുണ്ട്. ഇപ്പോഴിതാ, ഒരു കുഞ്ഞു സ്വപ്നം സാക്ഷാത്കരിച്ച സന്തോഷത്തിലാണ് മേഘ്‌ന. മഞ്ജു വാര്യരുടെ മുന്നിൽ അസുരനിലെ ഗാനം ആലപിക്കണം എന്നായിരുന്നു മേഘ്‌നയുടെ ആഗ്രഹം.
വിഷുദിന എപ്പിസോഡിൽ അതിഥിയായി എത്തിയത് മഞ്ജു വാര്യർ ആയിരുന്നു. മനോഹരമായ ഗാനം എല്ലാവരുടെയും സാന്നിധ്യത്തിൽ മഞ്ജു വാര്യർക്കായി മേഘ്‌നക്കുട്ടി പാടി. അതിശയമായിരുന്നു കേട്ടിരുന്ന മഞ്ജുവിനും. ഹൃദ്യമായ വിഡിയോ സമൂഹമാധ്യമങ്ങളിൽ ശ്രദ്ധേയമാകുകയാണ്.
Read More: തിയേറ്റർ റിലീസ് പ്രഖ്യാപിച്ച് ആസിഫ് അലി നായകനായ ‘എല്ലാം ശരിയാകും’
മലയാള ടെലിവിഷൻ പ്രേക്ഷകർക്കിടയിൽ ചുരുങ്ങിയ കാലത്തിനുള്ളിൽ ശ്രദ്ധേയമായിക്കഴിഞ്ഞു ടോപ് സിംഗർ സീസൺ 2. ഒട്ടേറെ കുരുന്നുകളാണ് പാട്ടുവേദിയിലൂടെ ശ്രദ്ധേയരായി മാറിയത്. കുട്ടിപ്പാട്ടുകാരിൽ കുറുമ്പുകൊണ്ട് ഇഷ്ടം നേടിയ മത്സരാർത്ഥിയാണ് മേഘ്‌ന സുമേഷ്. ഓഡിഷനിൽ പങ്കെടുക്കാൻ എത്തിയപ്പോൾ മുതൽ തന്നെ ശ്രദ്ധേയയായതാണ്‌ മേഘ്‌ന എന്ന കുട്ടിപ്പാട്ടുകാരി. തുടക്കം മുതൽ തന്നെ പെട്ടെന്നുള്ള മേഘ്‌നയുടെ മറുപടികൾ വളരെയധികം ശ്രദ്ധേയമായിരുന്നു.
Story highlights- mekhna sumesh singing asuran movie song
