‘ദയവു ചെയ്ത് എന്നെയും സെലക്റ്റ് ചെയ്യണം, പ്ലീസ്’- മേഘ്‌നയെ ശ്രദ്ധേയയാക്കിയ ആ വൈറൽ ഓഡിഷൻ വിഡിയോ
മലയാളികളുടെ മനസ്സിൽ കുറുമ്പും കുസൃതിയുംകൊണ്ട് ഇടംനേടിയ കുഞ്ഞു പാട്ടുകാരിയാണ് മേഘ്‌ന. തുടക്കം മുതൽ തന്നെ പെട്ടെന്നുള്ള മേഘ്‌നയുടെ മറുപടികൾ വളരെയധികം ശ്രദ്ധേയമായിരുന്നു. എല്ലാ കുഞ്ഞുപാട്ടുകാരെയും മത്സരം ആരംഭിച്ചതിനു ശേഷമാണ് പ്രേക്ഷകർ അടുത്തറിഞ്ഞതെങ്കിലും മേഘ്‌നയുടെ കാര്യം വ്യത്യസ്തമാണ്.
ഫൈനൽ ഓഡിഷനിൽ തന്നെ മേഘ്‌ന പാട്ടിനൊപ്പം സംസാര ശൈലിയിലൂടെ മനസ് കീഴടക്കി. രണ്ടു പാട്ടുകളുമായാണ് മേഘ്‌ന ഓഡിഷന് എത്തിയത്. എല്ലാം രസകരമായി അവതരിപ്പിച്ചെങ്കിലും വന്നപ്പോൾ തന്നെ സെലക്റ്റ് ചെയ്യണം എന്ന് ജഡ്ജസിനോട് ഈ കുറുമ്പി അപേക്ഷിച്ചിരുന്നു.
ആദ്യ സീസണിലെ അനന്യയുടെ വലിയ ആരാധികയായ മേഘ്‌ന, അനന്യകുട്ടിയെ ഒക്കെ സെലക്റ്റ് ചെയ്തില്ലേ, അതുപോലെ എന്നെയും സെലക്റ്റ് ചെയ്യണം പ്ലീസ് എന്നാണ് മേഘ്‌ന പറഞ്ഞത്. പാട്ടിനിടയിലും ഒട്ടേറെ വിശേഷങ്ങൾ മേഘ്‌നയ്ക്ക് പറയാനുണ്ടായിരുന്നു. പാടിയ പാട്ടുകളുടെ അർത്ഥവും ഒക്കെ വിവരിച്ചാണ് മേഘ്‌ന വേദിയിൽ ചിരി പടർത്തിയത്.
Story highlights- mekhna top singer audition video
