സോളമനെ ഊരാക്കുടുക്കിലാക്കാൻ റോയ്; അപ്രതീക്ഷിത കഥാസന്ദർഭങ്ങളുമായി ‘പ്രിയങ്കരി’
മലയാള മിനിസ്ക്രീൻ പ്രേക്ഷകരുടെ ഇഷ്ട പരമ്പരയായി ചുരുങ്ങിയ സമയത്തിനുള്ളിൽ മാറിയ പ്രിയങ്കരി നിർണായക വഴിത്തിരിവുകളുമായി മുന്നേറുകയാണ്. ഫ്ളവേഴ്സിൽ സംപ്രേഷണം ചെയ്യുന്ന പ്രിയങ്കരി വളരെ കാലിക പ്രസക്തമായ ഒരു വിഷയമാണ് പ്രേക്ഷകരിലേക്ക് എത്തിക്കുന്നത്.
പെൺജീവിതങ്ങളിൽ സംഭവിക്കുന്ന ചതിയും അതിൽനിന്നും രക്ഷപ്പെടാനുള്ള ഡെയ്സി എന്ന പെൺകുട്ടിയുടെ പോരാട്ടങ്ങളുമാണ് പ്രിയങ്കരി പങ്കുവയ്ക്കുന്നത്. റോയിയുടെ ചതികളിൽ നിന്നും രക്ഷനേടാൻ വിവാഹബന്ധം ഉപേക്ഷിച്ച് പുറത്തുവന്ന ഡെയ്സി തന്നെ ആത്മാർഥമായി പ്രണയിക്കുന്ന സോളമനൊപ്പം ജീവികകനുള്ള ഒരുക്കത്തിലാണ്. എന്നാൽ, വീണ്ടും കുതന്ത്രങ്ങളാൽ സോളമനെ ജയിലറയ്ക്കുള്ളിലാക്കി വിശുദ്ധനായി ഡെയ്സിയുടെ കുടുംബത്തിന്റെ മുന്നിൽ അഭിനയിക്കുകയാണ് റോയ്.
സ്വത്ത് മാത്രം ലക്ഷ്യമുള്ള റോയ് ഒരു കൊലപാതകം പോലും നടത്തി സോളമനെ കള്ളക്കേസിൽ കുടുക്കുകയായിരുന്നു. ഒരിക്കലും സോളമൻ പുറത്തുവരാതിരിക്കാനുള്ള തന്ത്രങ്ങളുമായി കൂടുതൽ കരുത്താനാകുകയാണ് റോയ്. ഡെയ്സിയുടെ കുടുംബവും റോയിയെ പിന്തുണച്ചതോടെ പുതിയ കഥാസന്ദർഭങ്ങളുമായി സജീവമാകുകയാണ് പ്രിയങ്കരി. എല്ലാദിവസവും രാത്രി ഏഴുമണിക്കാണ് പ്രിയങ്കരി സംപ്രേഷണം ചെയ്യുന്നത്.
Story highlights- priyankari new promo
