ഡെയ്‌സിയുടെ കല്യാണം മുടക്കാൻ പുതിയ തന്ത്രങ്ങളുമായി റോയ്; ആകാംഷനിറച്ച് ‘പ്രിയങ്കരി’
ചതിയിലൂടെ ഡെയ്‌സി എന്ന പെൺകുട്ടിയ സ്വന്തമാക്കാൻ ഒരുങ്ങിയതാണ് റോയ്. എന്നാൽ റോയ്‌യുടെ ചതികൾ തിരിച്ചറിഞ്ഞ ഡെയ്‌സിയുടെ പിതാവ് സാമുവൽ ഡെയ്സിയെ ഈ ബന്ധത്തിൽ നിന്നും അകറ്റുന്നു. ഡെയ്‌സിയ്ക്ക് സോളമൻ എന്ന യുവാവുമായി വിവാഹം ആലോചിക്കുന്നു. എന്നാൽ ഡെയ്സിയെ സ്വന്തമാക്കാൻ പുതിയ തന്ത്രങ്ങൾ മെനയുകയാണ് റോയ്.. കുടുംബ പ്രേക്ഷകർക്ക് ആകാംഷയുടെ നിമിഷങ്ങൾ സമ്മാനിക്കുകയാണ് പ്രിയങ്കരി എന്ന പരമ്പര.
സംഭവ ബഹുലമായ കഥാമുഹൂർത്തങ്ങളിലൂടെയാണ് പ്രിയങ്കരി പ്രേക്ഷകരിലേക്കെത്തുന്നത്. നിഷ്‌കളങ്കമായ പ്രണയത്തിൻെറയും ചതിയുടെയും കഥകൾ പറയുന്ന പരമ്പര ഇതിനോടകം പ്രേക്ഷകരുടെ ഇഷ്ടപരമ്പരയായി മാറിക്കഴിഞ്ഞു.
എല്ലാ ദിവസവും രാത്രി ഏഴ് മണിയ്ക്കാണ് പ്രിയങ്കരി പ്രേക്ഷകർക്ക് മുന്നിൽ എത്തുന്നത്. സംപ്രേക്ഷണം ആരംഭിച്ച് കുറഞ്ഞ ദിവസങ്ങൾക്കുള്ളിൽത്തന്നെ പ്രേക്ഷകരുടെ പ്രിയപ്പെട്ട പരമ്പരയായി മാറിയതാണ് ‘പ്രിയങ്കരി’. ഡെയ്‌സി എന്ന പെൺകുട്ടിയുടെ ജീവിതത്തിൽ നടക്കുന്ന സംഭവബഹുലമായ സംഭവങ്ങളിലൂടെയാണ് പരമ്പര മുന്നോട്ട് പോകുന്നത്. പ്രിയങ്കരിയിൽ ഡെയ്‌സി എന്ന കഥാപാത്രമായി വേഷമിടുന്നത് ചലച്ചിത്രതാരം ഷഫ്‌നയാണ്. ഷഫ്നയ്ക്ക് പുറമെ വത്സല മേനോനും ചില പുതുമുഖതാരങ്ങളും പ്രിയങ്കരിയിലൂടെ പ്രേക്ഷകർക്ക് മുന്നിലേക്കെത്തുന്നുണ്ട്.
Story Highlights; Priyankari serial latest episode
