പ്രേക്ഷകരുടെ പൊന്നോമനയായി ഡെയ്സി; പ്രിയമേറി ‘പ്രിയങ്കരി’
ഫ്‌ളവേഴ്‌സ് ചാനലിൽ സംപ്രേഷണം ചെയ്യുന്ന ഏറ്റവും പുതിയ പരമ്പരയാണ് പ്രിയങ്കരി. ഡെയ്സിയുടെ ജീവിതം പങ്കുവയ്ക്കുന്ന പരമ്പര ചുരുങ്ങിയ സമയത്തിനുള്ളിലാണ് പ്രേക്ഷകരുടെ ഇഷ്ടം നേടിയത്. ഡെയ്‌സിയായി എത്തുന്നത് മലയാള സിനിമയിലെയും സീരിയലുകളിലെയും ഇഷ്ടതാരം ഷഫ്‌നയാണ്. ഡെയ്സി, സോളമൻ, റോയി മുതലായ കഥാപാത്രങ്ങളാണ് പ്രിയങ്കരിയിലെ പ്രധാന കഥാപത്രങ്ങൾ.
സോളമൻ സ്നേഹിക്കുന്ന പെൺകുട്ടിയാണ് ഡെയ്സി. കുടുംബത്തിന്റെ അനുഗ്രഹത്തോടെ ഡെയ്‌സിയെ സോളമൻ വിവാഹമാലോചിക്കുമ്പോൾ മറുവശത്ത് ചതിപ്രയോഗത്തിലൂടെ അവളുടെ മനസിൽ റോയി കയറിക്കൂടുകയാണ്. പല നുണകളും കുതന്ത്രങ്ങളും പ്രയോഗിക്കുന്ന റോയി വിവിധ കേസുകളിലും പ്രതിയാണ്. ഈ സത്യങ്ങൾ അറിയുന്ന സോളമൻ റോയിയിൽ നിന്നും ഡെയ്‌സിയെ രക്ഷിക്കാനുള്ള ശ്രമത്തിലാണ്.
പക്ഷെ, സോളമന്റെ ശ്രമങ്ങൾ പാഴാക്കികൊണ്ട് റോയി ഡെയ്‌സിയുമായി കൂടുതൽ അടുക്കുന്നു. ഒരു സിനിമപോലെ ഒരു മണിക്കൂർ ദൈർഘ്യത്തോടെയാണ് പ്രിയങ്കരി എത്തുന്നത്. എല്ലാ ദിവസവും രാത്രി ഏഴ് മണിക്കാണ് ഫ്‌ളവേഴ്‌സ് ടിവിയില്‍ പ്രിയങ്കരിയുടെ സംപ്രേഷണം.
Story highlights- priyankari serial latest promo
