നരക ജീവിതത്തിനിടയിൽ ഡെയ്സിയെ തേടിയെത്തിയ സന്തോഷവാർത്ത; ‘പ്രിയങ്കരി’ പുതിയ വഴിത്തിരിവിലേക്ക്
മലയാള ടെലിവിഷൻ പ്രേക്ഷകരുടെ മനസ് കവർന്ന പരമ്പരയാണ് പ്രിയങ്കരി. സിനിമ- സീരിയൽ രംഗത്ത് സുപരിചിതയായ ഷഫ്‌ന നായികയായെത്തുന്ന പ്രിയങ്കരി പെൺകുട്ടികളുടെ ജീവിതത്തിലുണ്ടാകുന്ന ചതികുഴികളാണ് തുറന്നുകാണിക്കുന്നത്. ഒരു ത്രികോണ പ്രണയകഥ പറയുന്ന പ്രിയങ്കരിയിൽ ഡെയ്സി എന്ന കഥാപാത്രമായാണ് ഷഫ്‌ന എത്തുന്നത്.
ഡെയ്സിയെ പ്രണയിക്കുന്ന സോളമനും റോയിയുമാണ് പ്രിയങ്കരിയിലെ പ്രധാന കഥാപാത്രങ്ങൾ. ഡെയ്സിയെ ആത്മാർത്ഥമായി സ്നേഹിക്കുന്ന സോളമനെ വിവാഹദിനത്തിൽ ഉപേക്ഷിച്ച് ചതിയനായ റോയിക്കൊപ്പം പോകുകയാണ് പ്രിയങ്കരി. എന്നാൽ, പ്രതീക്ഷിച്ച ജീവിതമല്ല ഡെയ്സിയെ കാത്തിരുന്നത്.
റോയിയിൽ നിന്നും കുടുംബത്തിൽ നിന്നും കുത്തുവാക്കുകളും വഴക്കുകളും മാത്രമാണ് ഡെയ്‌സിയ്ക്ക് ലഭിച്ചത്. സ്വർണവും റോയി നഷ്ടമാക്കിയതോടെ നിലതെറ്റിയ അവസ്ഥയിലാണ് ഡെയ്സി. ഈ നരക ജീവിതത്തിൽ നിന്നും വിവാഹിതയായിട്ടും ഡെയ്സിയെ രക്ഷിക്കാൻ സോളമൻ എത്തിയിട്ടും വിധിയിൽ വിശ്വസിക്കുകയാണ് ഡെയ്സി.
അതേസമയം, സങ്കട കടലിന് ഇടയിലും ഡെയ്സിയെ തേടി ഒരു സന്തോഷ വാർത്ത എത്തി. ഗർഭിണിയാണെന്ന സന്തോഷത്തിലിരിക്കുന്ന ഡെയ്സിയെ വീണ്ടും ചതിക്കാനുള്ള തന്ത്രങ്ങൾ ഒരുക്കുകയാണ് റോയ്. സംഘർഷ ഭരിതമായി മുന്നേറുകയാണ് പ്രിയങ്കരിയുടെ എപ്പിസോഡുകൾ.
Read More: പൊലീസ് ഉദ്യോഗസ്ഥനായി പൃഥ്വിരാജ്; കോള്‍ഡ് കേസ് പ്രേക്ഷകരിലേക്ക്- ടീസര്‍
ഒരു സിനിമപോലെ ഒരു മണിക്കൂർ ദൈർഘ്യത്തോടെയാണ് പ്രിയങ്കരി എത്തുന്നത്. എല്ലാ ദിവസവും രാത്രി ഏഴ് മണിക്കാണ് ഫ്‌ളവേഴ്‌സ് ടിവിയില്‍ പ്രിയങ്കരിയുടെ സംപ്രേഷണം.
Story highlights- priyankari serial new episode
