സാന്ദ്രയുടെ കൊലപാതകം മറച്ചുവയ്ക്കാനുള്ള ശ്രമങ്ങളുമായി റോയ്; ‘പ്രിയങ്കരി’ പുതിയ വഴിത്തിരിവിലേക്ക്
സംഭവബഹുലമായ കഥാമുഹൂർത്തങ്ങളിലൂടെയാണ് പ്രിയങ്കരിയുടെ ഓരോ എപ്പിസോഡുകളും പ്രേക്ഷകരിലേക്കെത്തുന്നത്. ഡെയ്‌സി എന്ന പെൺകുട്ടിയുടെ ജീവിതത്തിൽ നടക്കുന്ന സംഭവങ്ങളിലൂടെ മുന്നേറുന്ന പ്രിയങ്കരിയിൽ അപ്രതീക്ഷിതമായി എത്തിയ അതിഥിയാണ് സാന്ദ്ര. എന്നാൽ റോയ്‌യുമായി ഉണ്ടാകുന്ന ഏറ്റുമുട്ടലിൽ സാന്ദ്ര കൊല്ലപെടുന്നതോടെ കഥ പുതിയ വഴിത്തിരിവിലേക്ക് എത്തുകയാണ്. സാന്ദ്രയുടെ കൊലപാതകം മറച്ചുവയ്ക്കാനുള്ള ശ്രമങ്ങളിലാണ് ഇപ്പോൾ റോയ്.
ചതിയും തന്ത്രങ്ങളുമായി ജീവിക്കുന്ന റോയ്‌യും, റോയ്‌യുടെ പ്രണയനാടകത്തിന് ഇരയായ ഡെയ്സിക്കുമൊപ്പം നിരവധി കഥാപാത്രങ്ങൾ അണിനിരക്കുന്ന പരമ്പരയാണ് പ്രിയങ്കരി. കാഴ്ചക്കാരിൽ ആകാംഷയും ആവേശവും നിറച്ചുകൊണ്ടാണ് പ്രിയങ്കരിയുടെ ഓരോ എപ്പിസോഡുകളും എത്തുന്നത്.
ഡെയ്‌സി എന്ന പെൺകുട്ടിയെ ചതിയിലൂടെ സ്വന്തമാക്കിയതാണ് റോയ്. എന്നാൽ റോയ്‌യുടെ ചതികൾ തിരിച്ചറിഞ്ഞ ഡെയ്‌സിയുടെ പിതാവ് സാമുവൽ ഡെയ്സിയെ ഈ ബന്ധത്തിൽ നിന്നും അകറ്റാൻ ശ്രമം നടത്തി. എന്നാൽ റോയ്‌യെ മതിയെന്ന് ഡെയ്‌സി തീരുമാനിച്ചു. ഒന്നിച്ചുള്ള ജീവിതം തുടങ്ങിക്കഴിഞ്ഞപ്പോൾ റോയ്‌യുടെ തനിനിറം ഡെയ്‌സി തിരിച്ചറിയുന്നു…തുടർന്ന് സ്വന്തം വീട്ടിലേക്ക് തിരികെയെത്തിയ ഡെയ്സിയെ അനുനയിപ്പിച്ച് തിരികെ കൊണ്ടുപോകാൻ നിരവധി ശ്രമങ്ങളാണ് റോയ് നടത്തുന്നത്. അതിനിടെയിലാണ് ഇവരുടെ ജീവിതത്തിലേക്ക് സാന്ദ്ര എത്തുന്നത്. തുടർന്ന് റോയ്‌യുമായുള്ള ഏറ്റുമുട്ടലിൽ സാന്ദ്ര കൊല്ലപ്പെടുന്നതുവരെയാണ് പരമ്പര എത്തിനിൽക്കുന്നത്.
Read also:
ഇന്ത്യയിൽ 24 മണിക്കൂറിനിടെ കൊവിഡ് സ്ഥിരീകരിച്ചത് 51,667 പേർക്ക്; ടെസ്റ്റ് പോസിറ്റിവിറ്റി നിരക്ക് 2.98%
നിഷ്‌കളങ്കമായ പ്രണയത്തിൻെറയും ചതിയുടെയും കഥകൾ പറയുന്ന പരമ്പര ഇതിനോടകം പ്രേക്ഷകരുടെ ഇഷ്ടപരമ്പരയായി മാറിക്കഴിഞ്ഞു. എല്ലാ ദിവസവും രാത്രി ഏഴ് മണിയ്ക്കാണ് പ്രിയങ്കരി സംപ്രേക്ഷണം ചെയ്യുന്നത്.
Story highlights: Roy killed Sandra-Priyankari
